Qazaqstan Iraktaǵy jetimder úıinde qalǵan 14 balany elge qaıtarýdy josparlap otyr dep habarlaıdy Qamshy.kz aqparat agenttigi Astana telearnasyna silteme jasap.

Bul týraly elordada ótken Eýropadaǵy Qaýipsizdik jáne Yntymaqtastyq Uıymynyń Aýǵanstan jónindegi otyrysynda belgili boldy.

Syrtqy ister mınıstri Muhtar Tileýberdi bul másele "Jýsan" operasıasy aıasynda júzege asýy múmkin ekenin atap ótti. Elge qaıtarylýy kerek balalar buryn soǵys aımaqtarynda bolǵan. Olardyń analary ómir boıyna bas bostandyǵynan aıyrylypty. Búldirshinderdiń úlkeni 10-da, al eń kishisi 2 jasta.

Stanıslav Vasılenko, QR SİM arnaıy tapsyrmalar jónindegi elshisi: Irak tarapy balalardy qaıtarýǵa kelisim berip otyr. Biz jaqyn kúnderi olardy Qazaqstanǵa alyp kelemiz. Endi búldirshinderdi ata-anasynyń qateligi úshin dalada tastaı almaımyz ǵoı.

Eske sala keteıik, alǵashqy aýqymdy «Jýsan» gýmanıtarlyq operasıasy osy jyldyń qańtarynda Elbasy Nursultan Nazarbaevtyń basshylyǵymen sátti júzege asyrylǵan edi. Nátıjesinde 357 bala soǵys aımaqtarynan Otanǵa oraldy. Al mamyr aıynda Memleket basshysy Qasym-Jomart Toqaevtyń tapsyrmasymen Sırıadan taǵy 231 qazaqstandyq evakýasıalandy. Onyń ishinde mektepke deıingi jastaǵy 156 bala bar, 18-i jetim qalǵan. Qazir elge qaıtarylǵan 406 bala arnaıy ońaltýdan ótip, qoǵamǵa qaıta qosylýda.