Májiliste úsh jyldyq búdjetke ózgeris engizilip,  kópbalaly analardy qoldaý, medısına, aýyl sharýashylyǵy sıaqty salalarǵa 95 mıllıard teńgen bólindi dep jazady Qamshy.kz aqparat agenttigi.

Úkimet músheleriniń atqaryp jatqan jumystary depýtattardyń synyna ushyrady. Nurlan Nyǵmatýlın, Májilis tóraǵasy: - Baǵdarlama emes, konsepsıa jasaıtyn bir top shyqpasa, onda osynsha qyzmetker nesine kerek? Ne úshin ustaımyz olardy? Barlyq memlekettik organdar osyndaı. Ondaı bolsa, jobalyq keńse jasaıyq. Bir ǵana másele bar. Biz osy memlekettik jumysta júrgennen keıin, halyq qolymyzǵa osyndaı memlekettik búdjetti bergennen keıin memleket qarjysy tıimdi jumsalý kerek.

 Ekologıa mınıstri Maǵzum Myrzaǵalıev bólingen qarajattyń jartysy qalaı jumysalyp jatqany jóninde aqpar bergenimen, Májilis tóreaǵasy :

- Sizdiń jaýaptaryńyzdan, Maǵzum Maratuly, mynadaı áser alýǵa bolady – jalpylama sózder: kúsh salamyz, keńeıtemiz, qataıtamyz. Bári túsinikti. - dep kóńil tolmaýshylyq tanytty.

Nurlan Nyǵmatýlın tarapynan qatty sógis estigen Mádenıet jáne sport vıse-mınıstri Eldos Ramazanov Mádenıet mınıstrliginen Qaǵaz jazýǵa 100 mln teńge suraǵan bolyp shyqty. Mınıstrlik mádenı muralardy biryńǵaı bazaǵa jınaı almaı júr. Óıtkeni mınıstrlik quramyndaǵy 300 qyzmetker tujyrymdama jaza almaıdy eken.