«Dostar, kóshedegi balalar nemese balalary bar eresek tilemsekter týraly kóptegen habarlama men pikirler alamyn. Tilemsektikke zorlyqpen tartýdan balalardyń quqyǵyn qorǵaý boıynsha saýal daıyndap, keshendi sharalar qabyldaý úshin faktilerdi jınaýǵa kómektesýlerińizdi ótinemin. Balalar tipti, mektepke de barmaıdy», - dep jazdy ol Instagram-daǵy paraqshasyna.

Arýjan Saın qaıyr suraǵan balaly eresekterdiń jáne balalardyń ózderiniń sýretterin onyń qaı jerde (kóshede, jol boıynda, dámhana, meıramhanada) túsirilgenin, meken jaıyn jáne datasyn kórsete otyryp jiberýdi ótinedi. Sýretterdi +7 747 674 1554 nómirine WhatsApp arqyly jiberýge bolady. 

«Polısıa, qamqorshy organ tarapynan qandaı shynaıy sharalardy qabyldaýǵa bolatyndyǵyn túsiný qajet. Eń bastysy, Zúlfıa Baısaqova suhbatynda aıtqandaı, ázirshe bir ǵana ádispen kúresýge bolady: Barlyq qazaqstandyqtar aqsha bergendi toqtatýy kerek. Sadaqanyń osy tetigi jumys isteýin qoıǵan kezde bul balalar da tilemsektikke tartylmaıdy. Sonymen qatar balaǵa kómektesý úshin balany jibermeýge nemese eresekter balamen qaıyr tilep júrgen jerde qalýǵa tyrysý qajet. Polısıany shaqyryp, kútip, shaǵym jazý qajet. Tergeýshiniń jáne kámeletke tolmaǵandardy beıimdeý ortalyǵy qyzmetkerleriniń málimetterin alyp, balanyń taǵdyryn baqylaýda ustasańyzdar», - dedi ol.