Áleýmettik salany damytý-memleket mán berip otyrǵan strategıalyq maqsattardyń biri. Sondyqtan da bolar, Prezıdent Qasym-Jomart Toqaev «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Joldaýynda osy salaǵa aıryqsha nazar aýdardy.

«Memleket muqtaj jandarǵa kómek kórsetý úshin barlyq qajetti sharalardy qabyldaýda.

Alaıda, birqatar sheshimder jan-jaqty saraptalmaı qabyldandy.

Nátıjesinde bul paternalıstik pıǵyldyń aıtarlyqtaı artýyna ákep soqtyrdy. Sońǵy 5 jylda Qazaqstanda ataýly áleýmettik kómek alatyndar sany 77 myńnan 1,4 mıllıonnan astam adamǵa artqan.

Áleýmettik kómekke búdjetten bólinetin qarajat kólemi 2017 jyldan beri 17 ese kóbeıdi jáne odan da arta tústi.

Basqasha aıtqanda, jumys istegisi kelmeıtin adamdar nemese áleýmettik kómek alý úshin ózderiniń tabysyn jasyratyndar kóbeıdi. Jaǵdaıy bar otbasylardyń áleýmettik kómek alatyny týraly derekter buǵan deıin buqaralyq aqparat quraldarynda jarıalanǵan bolatyn.

Taǵy da atap ótemin. Konstıtýsıa boıynsha bizdiń elimiz – áleýmettik memleket. Sondyqtan memleketimiz azamattar aldyndaǵy mindetterin oryndaýy tıis»,dedi Prezıdent óz Joldaýynda.

Qazirgi tańda Taraz qalasynda turmysy tómen otbasylarǵa, onyń ishinde kóp balaly januıalarǵa qoldaý kórsetý maqsatynda naqty jumystar júrgizilýde. Osy oraıda aǵymdaǵy jyly kópbalaly otbasylaryna keminde 3 bólmeli páterdiń kólemi 60 – 90 sharshy metrden kem bolmaıtyn, somasy 8 mıllıon 400,0 myń teńgeden aspaıtyn, 142 páter satyp alýǵa respýblıkalyq búdjetten 1 mıllıard 191,0 mıllıon teńge qarjy qarastyrylyp, qazirgi tańda memlekettik satyp alý jumystar júrgizilýde.

Ótken jyldan beri Taraz qalasynda 42,5 myń teńgeden tómen jalaqy alatyn jumyskerleri bar kásiporyndar men iri kásiporyndardaǵy jumyskerlerdiń jalaqysyn kóterý boıynsha da kóp tirlik atqarylyp jatqanyn aıtý kerek. Sonyń nátıjesinde 33 114 jumysshysy bar 510 kásiporyn jalaqysyn kóterdi. 2019 jyldyń basynan 42500 teńgeden tómen jalaqy tólegen 335 kásiporyn anyqtalǵan. Atalǵan másele boıynsha Taraz qalasy ákimdigi tarapynan atalǵan kásiporyndarmen túsindirme jumystaryn júrgizý barysynda 218 kásiporynnyń tómen jalaqyny tóleý sebepteri anyqtalyp, kásiporyndar tarapynan jalaqyny kóterý josparlanýda.

Jalpy Taraz qalasynda búgingi kúnge 4923 kásiporyn jumys istep tursa, onyń 1101-i ujymdyq sharttarǵa turǵan. Bul jalpy kórsetkishtiń 22,4 paıyzyn qurap otyr.