Týǵan jerdiń mereıin ústem etý maqsatynda «Adyrna» ulttyq-etnografıalyq birlestigi men Azamattyq bastamalardy qoldaý ortalyǵy «Týǵan jer» shyǵarmashylyq baıqaýyn jarıalaǵan edi. Qatysýshylar «Úzdik maqala» , «Úzdik poezıa» , «Úzdik beıneleý óneri» , «Úzdik ónertabys» , «Úzdik beınerolık» jáne «Úzdik dástúrli mýzyka oryndaýshysy» nomınasıalary boıynsha baqtaryn synaı alady. Qatysýshylar týǵan jerin jyrǵa qosyp, kórkem sózben órnektep, al biri sýret arqyly Otanymyzdyń baılyǵyn kórsetýge tyrysýda. «Úzdik beıneleý óneri» nomınasıasy boıynsha kelip túsken eńbekter sany kúnnen kúnge artýda. «Týǵan jerim – Qazaqstanym», «Aýyl kórinisi», «Peızaj», «Týǵan jer», «Aýylym – altyn besigim», «Ulytaý – ult uıasy», «Kókshetaý», «El ordam – Nur-Sultan», «Altyn ordam – Atyraýym», «Qyzylorda», «Qazaq qyzy», «Qazaqstan – meniń Otanym», «Qyran qus», »Báıterek», t.b. syndy kóptegen sýretter týǵan jerdiń beınesin sózsiz sıpattap berýde.

Birinen biri asyp túsetin sýretter adamdy tań qaldyrmaı qoımasy anyq. Máselen, uıasyna batyp bara jatqan kún, onyń tipti týǵan jerdi qımaı turǵan beınesiniń ózin áserli beıneleı bilgen. Al týǵan jerinde erkin qalyqtap ushyp júrgen qyran qus, jaıqala ósken máýeli aǵashtar, alańsyz altybaqan oınap júrgen jigitter men qyzdar, anasynyń qushaǵynda erkin uıyqtap jatqan sábı, Jelmaıasyna mingen Asan Qaıǵy sekildi qarıanyń Nur-Sultan jerine turaqtap, qarap turǵandyǵy, úsh júzdiń basyn qosqan Abylaı han beınesi, týǵan jerine bar meıirimimen, ony qatty jaqsy kóretindigin kózinen ańǵartatyn qazaq qyzynyń beınesin ǵajap beıneleı bilgen. Qorqyt ata, Abaı Qunanbaıuly, Ǵabıt Músirepov syndy tudlǵalar beınesin asha bilgen qatysýshylar talaby adamdy qyzyqtyrmaı qoımaıdy. Osy eńbekterdiń ózine qarap-aq Otanymyzdyń jas sýretshileriniń júregindegi patrıottyq sezimniń baryn bilemiz. Óse ber, órkendeı ber, jas talapker!

"Adyrna" ulttyq-etnografıalyq birlestigi