Almatydaǵy Bókeıhanov kóshesi men Raıymbek dańǵylynyń qıylysynda jylý qubyry qysym tómendeýiniń saldarynan jarylǵany belgili boldy. Bul týraly oqıǵa ornyna barǵan Qamshy.kz aqparat agenttiginiń tilshisine Almaty qalalyq jylý júıesi mekemesiniń baspasóz hatshysy Natalá Inkına aıtty.

Tótenshe jaǵdaı oryn alǵan mańda Almaty qalalyq tótenshe jaǵdaılar departamenti men "Almaty jylý júıesi" JSHS qyzmetkerleri jumys istep jatyr.

Natalá Inkınanyń aıtýynsha, jarylǵan qubyrdan aqqan sýdy sorýǵa jylý júıesi mekemesinen 10 tehnıka, 6 brıgada, 18 adam jumyldyrylǵan.

Qamshy tilshisiniń habarlaýynsha, sýdyń astynda úsh jeńil kólik qalyp qoıǵan. Bir adamnyń jeńil kúıik alǵany belgili boldy. Zardap shegýshi aýrýhanaǵa barýdan bas tartqan.

Sý astynda qalǵan kólikterge kelgen shyǵyndy Almaty jylý júıesi mekemesi saqtandyrý negizinde ótep bermek. 30 jyldyq qubyrlardy kelesi jyly aýystyrý josparlanypty.

Búgin, 14 qazan kúni kúndiz Almaty qalasyndaǵy Bókeıhanov kóshesinde jylý qubyry jarylyp, kósheni ystyq sý basyp jatqany habarlanǵan.