Almaty ákimi B. Saǵyntaev ál-Farabı atyndaǵy QazUÝ-de qalanyń stýdent jastarymen kezdesip, «Almaty-2050» uzaq merzimdi damý strategıasynyń negizgi baǵyttary týraly aıtyp berdi, dep jazady qalalyq ákimdiktiń baspasóz qyzmeti.

Baqytjan Saǵyntaev óziniń sózinde strategıanyń negizgi qaǵıdalaryna toqtaldy, olar - ekologıa, kreatıvtilik, ilgerileý, birdeı múmkindikter, qaýipsizdik, mádenıet pen bilimniń joǵary deńgeıi, kóportalyqtandyrý jáne adamdardy birdeı shoǵyrlandyrý.

– Jastar barlyq bastamalardyń bel ortasynda júrýi ári bastalǵan qala ózgerisiniń qozǵaýshy kúshi bolýlary tıis. Biz óz tarapymyzdan ıdeıalardy iske asyrýǵa kómektesip, kreatıvti, ınovasıaly jobalar jasaý úshin jastar kásipkerliginiń ekojúıesin quratyn bolamyz, – dedi qala ákimi.

Strategıa mátini ákimdiktiń saıty men gazetterde jarıalanatyn bolady. B. Saǵyntaev qalalyqtardy baǵdarlamalyq qujatty talqylaýǵa shaqyrdy. Túpnusqa jeltoqsanda Ýrban-forýmde usynylatyn bolady.

Megapolıs ákimi ál-Farabı atyndaǵy QazUÝ-de bolǵan kezde stýdentterdi oqytý júıelerimen tanysty, prosesti ınovasıalar jáne Jerdi qashyqtyqtan baqylaý ortalyqtary bar IT-Tehnoparkin kórdi. Joǵary oqý ornynyń ǵylymı áleýetiniń qalaǵa tıgizer paıdasy bar.