Bıylǵy jyldyń segiz aıynda Qazaqstannan 31 myń 287 adam kóship ketse, elge 7 myń 420 adam qonys aýdarǵan. Bul týraly Qazaqstannyń Ulttyq ekonomıka mınıstrliginiń statısıka komıteti habarlady.

Komıtetettiń dereginshe, 2019 jylǵy qańtar-tamyz aılarynda respýblıkada kóshi-qonnyń teris saldosy 23 myń 867 adamdy qurady. Ótken jyldyń osy merziminde (qańtar-tamyz aılarynda) bul kórsetkish 27 myń 737 adam edi.

2019 jylǵy tamyzda Qazaqstan halqy 18,6 myń adamǵa kóbeıdi jáne 1 qyrkúıektegi jaǵdaı boıynsha, 18 mln 547,5 myń adamdy qurady. Qazaqstan halqynyń tabıǵı ósimi qańtar-tamyz aılarynda 175 myń 776 adamǵa teń boldy. (2018 jylǵy qańtar-tamyzda - 173 myń 709 adam).

Alǵashqy segiz aıda elde 265 myń 286 bala týsa, (2018 jyldyń 8 aıynda 261 myń 723) 89 myń 510 adam (2018 jyldyń 8 aıynda 88 myń 14) qaıtys bolǵan. Sonymen qatar, statısıka komıteti qańtar-tamyz aılarynda 89 510 neke qıylyp, 40 myń 21 otbasy resmı túrde ajyrasqanyn habarlady.