Almaty qalasynyń ákimdigi ereýilge shyqqan jumysshylarǵa qatysty túsinikteme berdi, – dep Qamshy.kz aqparat agenttigi habarlaıdy.

QR SİM Almaty qalalyq mobıldi basqarmasynyń habarlaýynsha, oqıǵa Rysqulov dańǵyly men Emsova kóshesiniń qıylysynda jol aıyryǵyn salyp jatyr «Rázanov atyndaǵy № 25 Mostostroıtelnyı» JSHS jaıynda bolyp otyr.

Merdigerdiń aıtýynsha, qazirgi ýaqytta olardyń jumysshylarǵa bereshegi bar. Tapsyrys berýshi tarapynan (Almaty qalalyq mobıldi basqarmasy) naqty oryndalǵan jumys úshin tólem tolyǵymen tólendi jáne merdiger aldynda qaryzy joq. Sondaı-aq Almaty ákimdiginiń Áleýmettik ál-aýqat basqarmasynyń eńbek qaýipsizdigin baqylaý bóliminiń basshylary jumysshylarmen kezdesip olarǵa eńbek zańnamasy boıynsha aqparat berdi.

«Rysqulov pen Emsov kóshesiniń qıylysyndaǵy kópir qurylysyn «Rázanov atyndaǵy № 25 Mostostroıtelnyı» JSHS júrgizýde. Seriktestik 32 jumysshyǵa jalaqy tólemeı otyr. Olardyń bereshegi 18,3 mln teńgeni qurady. Osy fakti boıynsha Almaty oblysynyń eńbek ınspeksıasy jospardan tys tekserý júrgizgen. Jumys berýshi ákimshilik jaýapkershilikke tartylady. Buzýshylyqtardy joıý týraly eskertý berildi. Alaıda búginge kúnge deıin talaptar oryndalmaı otyr. Tekserý materıaldary quqyq qorǵaý organdaryna QR QK-niń 152-baby boıynsha sheshim shyǵarý úshin jiberildi, – dep habarlady ákimdikten.