Almaty ákimdigi jumysshylardyń mıtıńige shyǵýy týraly aqparatqa qatysty pikir bildirdi dep habarlaıdy Qamshy.kz aqparat agenttigi Tengrinews.kz saıtyna silteme jasap.

Qalalyq mobıldilik basqarmasynyń habaryna qaraǵanda, narazylyqqa shyqqan "Mostostroıtelnyı otrád №25 ımenı Rázanova A." JSHS jumysshylary, olar Rysqulov dańǵyly men Emsov kóshesiniń qıylysyndaǵy jolaıryqty salyp jatyr. Jumysshylar 2018 jyldyń qarashasy men 2019 jyldyń mamyry aralyǵyndaǵy jalaqysyn almaǵan.  

Vedomstvodaǵylar tapsyrys berýshilerdiń merdiger uıymǵa aqsha qaryz ekenin málimdedi. Kompanıa ózindik sebepterimen 32 qyzmetkerine 18,3 mıllıon teńge qaryz bolyp qalǵan. 

"Búgin Eńbek qaýipsizdigin baqylaý bóliminiń basshysy, Almaty qalasy áleýmettik ál-aýqat basqarmasynyń basshysy oqıǵa ornyna bardy. Qyzmetkerlerge eńbek zańnamasynyń normalaryna túsinikteme berildi. Osy fakti boıynsha (paıda bolǵan bereshek jaıly aıtylyp otyr) Almaty oblysynyń eńbek ınspeksıasy jospardan tys tekseris júrgizdi. Jumys berýshi ákimshilik jaýapkershilikke tartyldy. Erejebuzýshylyqtardy joıý týraly uıǵarymdar berildi.

Búginde nusqamalar oryndalmaǵan. Tekserý materıaldary QR QK-niń 152-baby boıynsha sheshim qabyldaý úshin quqyq qorǵaý organdaryna joldandy", - dep jaýap berdi Almaty ákimdigi. Munyń aldynda áleýmettik jelilerde narazylyqqa shyqqan jumysshylardyń sýreti jarıalanǵan bolatyn.