SHQO Besqaraǵaı aýdanyndaǵy «Balke», «Bekarys», «Qalıqanuly» sharýaqojalyqtarynyń bazasyndaǵy taýarly sút fermalary qaıta jaraqtandyryldy. Bul týraly aımaqtyq komýnıkasıalar qyzmetinde ótken brıfıńte Besqaraǵaı aýdanynyń ákimi Dáýlet Batyrbaev málim etti.

Brıfıń barysynda aýdan basshysy Qarabas, Ernazar jáne Kishi Vladımırovka aýyldyq okrýgterinde qosymsha 3 sút qabyldaý pýnkti boı kótergenin atap ótti.

– Atalǵan jobalardy iske asyrý sút óndirisi men iri qara maldyń sanyn kóbeıtýge, jańa jumys oryndaryn qurýǵa, aýylsharýashylyq salasyna ozyq tehnologıalardy engizýge múmkindik beredi, – dedi Dáýlet Batyrbaev.

Aldaǵy ýaqytta Jetijar aýyldyq okrýginde 1200 basqa arnalǵan taýarly sút fermasy salynady. Onda jumysshylarǵa arnalǵan jataqhana qurylysy da júrgizilýde. Atalmysh 2021 jyly tolyq qýatyna engiziledi.