Besqaraǵaı aýdanyndaǵy 15 mektepte IT-synyptary ashyldy. Osy maqsatta oblystyq búdjetten tıisti qarajat bólindi. Bul týraly aımaqtyq komýnıkasıalar qyzmetinde ótken brıfıńte SHQO Besqaraǵaı aýdanynyń ákimi Dáýlet Batyrbaev málim etti.

Bıylǵy oqý jylynda oblys ákimi Danıal Ahmetovtiń qoldaýymen áleýmettik jaǵynan az qamtylǵan jáne kópbalaly otbasylardan shyqqan 747 balaǵa tegin mektep formasy berildi. Brıfıńke qatysqan aýdan ákimi osylaı dedi.

– Aýdannyń 16 mektebinde jaratylystaný sıkli pánderin aǵylshyn tilinde oqytý engizildi, 29 muǵalim «Fızıka», «Hımıa», «Bıologıa», «Informatıka» pánderiniń muǵalimderi úshin tildik qaıta daıarlaý kýrstarynan ótti. Búgingi kúni 7 hımıa muǵalimi, 8 bıologıa muǵalimi, 9 fızıka muǵalimi, 5 ınformatıka muǵalimi pánderdi aǵylshyn tilinde oqytady. Onyń ishinde 10 oqytýshy halyqaralyq TKT CLİL testterin tapsyrdy, – dedi Dáýlet Batyrbaev.