Búgin, 15 qazanda Qazaqstannyń eks-prezıdenti Nursultan Nazarbaev Túrki áleminiń joǵary ordenimen marapattaldy. Bul týraly Nazarbaevtyń baspasóz hatshysy Aıdos Úkibaı Twitter-degi paraqshasynda jazdy.
Úkibaıdyń jazýynsha, Nazarbaevqa atalmysh orden Bakýde (Ázirbaıjan) ótip jatqan Túrkitildes memleketter yntymaqtastyq keńesiniń májilisi kezinde tabystalǵan.
Qazaqstandy 30 jylǵa jýyq úzdiksiz bılegen Nazarbaev 2019 jyldyń 19 naýryzynda prezıdenttik laýazymnan óz erkimen ketken. Ol biraq óz qurǵan bıliktegi "Nur Otan" partıasynyń, Qazaqstan halyqtary assambleıasynyń, Qaýipsizdik keńesiniń tóraǵasy qyzmetterin áli de atqarady.
Nazarbaev buǵan deıin de túrli ataqtar alyp, medal, ordendermen marapattalǵan.
