Tıbor Koleıa, Microsoft Qazaqstan bas menedjeri 2019 jyly 24-25 qazanda Nur-Sultanda ótetin Digital Bridge halyqaralyq tehnologıalyq forýmynda ekspert retinde qatysady. Microsoft ókili "Ortalyq Azıadaǵy korporatıvtik ınovasıalar" paneldik pikirtalasqa qatysady jáne iri korporasıalardyń jumysyna ınovasıalardy engizý tájirıbesi, sondaı-aq startap jobalar týraly aıtyp beredi. Forým uıymdastyrýshylary habarlaǵandaı, atalǵan pikirtalasqa "AHQO Ákimshiligi" AQ Sıfrlyq tehnologıalar jónindegi basqarýshy dırektory Ásel Jantasova jáne Plug and Play Tech Center vıse-prezıdenti Sobhan Khanı qatysady.

Forýmǵa qatysyp, talqylaýlarǵa qosylýǵa, sarapshylarǵa óz suraqtaryn qoıam deýshilerge forým saıtynda tegin tirkelýge bolady:  http://digitalbridge.kz    

Digital Bridge forýmynyń negizgi maqsaty – sandyq damý salasyndaǵy ınovasıalyq sheshimder men tájirıbe almasý úshin dıalog alańyn uıymdastyrý. Forým alańyndaǵy basty is-shara Next Tech Entrepreneur Forum seksıasy bolady, onyń sheńberinde forýmǵa qatysýshylar úshin túrli taqyryptarda ashyq talqylaýlar uıymdastyrylady: bolashaqtyń bilimi, venchýrlik qarjylandyrý, bıznes-ınkýbasıalaý jáne t.b. qatysýshylar arasynda B2B kezdesýler uıymdastyrylady.

Forým kúnderi dástúrli túrde jyl saıynǵy Astana Hub Awards syılyǵy ótedi, ol Qazaqstannyń İT-ındýstrıasyn damytýǵa qosqan úlesi úshin beriledi, sondaı-aq Astana Hub Battle-tehnologıalyq startaptar arasyndaǵy jarystar.

Astana Hub Battle jarysynyń basty maqsaty – úzdik tehnologıalyq startap-jobalardy anyqtaý jáne olardy jobalardy damytý úshin aqshalaı syılyqtarmen marapattaý. Astana Hub Battle júlde qory – 30,000 dollar, birinshi oryn – 15,000, ekinshi oryn – 10,000, úshinshi oryn – 5,000 dollar. 

Astana Hub Awards syılyǵyn marapattaý rásimi 2019 jyly 25 qazanda Qazaqstan astanasynda ótedi. Syılyqtyń basty maqsaty – startaptardyń tabysty kásipkerlik bastamalaryn yntalandyrý, ınovasıalardy damytýǵa jáne qoldaý ınfraqurylymyn nyǵaıtýǵa járdemdesý, sondaı-aq Qazaqstanda IT-kásipkerlikti damytýǵa qoldaý kórsetý.