Almaty ákimi Baqytjan Saǵyntaev «Qazaq SSR Tilder týraly» alǵashqy Zańnyń qabyldanǵanyna 30 jyl tolýyna oraı bir top ǵalymdarmen, jazýshylarmen, jýrnalısermen jáne qoǵam qaıratkerlerimen kezdesti, dep jazady qalalyq ákimdiktiń baspasóz qyzmeti.

B. Saǵyntaev qurmetti mısıany atqardy, ıaǵnı memlekettik tildiń damýyna úles qosqan jazýshylar men qoǵamgerlerge memleket basshysynyń Alǵys hattaryn tapsyrdy.

Olardyń arasynda «Memlekettik tilge qurmet» qoǵamdyq birlestiginiń tóraıymy Asyly Osman, Halyqaralyq «Qazaq tili» qoǵamynyń prezıdenti Ómirzaq Aıtbaev, M. Áýezov atyndaǵy Ádebıet jáne óner ınstıtýtynyń dırektory Kenjehan Matyjanov, jazýshy Smaǵul Elýbaev, A. Baıtursynov atyndaǵy Til bilimi ınstıtýtynyń bas ǵylymı qyzmetkeri Telhoja Djanýzakov, halyq jazýshysy Muhtar Shahanov, A. Baıtursynov atyndaǵy Til bilimi ınstıtýtynyń dırektory Erden Qajybek, Qazaqstan Jazýshylar Odaǵy tóraǵasynyń orynbasary Mereke Qulkenov, Ulttyq aýdarma búrosynyń redaktory Nazgúl Qojabekova, jazýshy-pýblısıst Jumash Kenebaı, «Jas qazaq» gazetiniń bas redaktory Smaıyl Sraıyl boldy.

Kezdesý barysynda memlekettik tildi odan ári damytý, ony qala jurty arasynda dáripteý máseleleri talqylandy jáne ózara pikir bólisti. Sonymen qatar qala mektepteriniń kitaphanalaryn, qazaq jazýshylarynyń kitaptary men toltyrý jáne ınternet bazasyn qazaq tildi kontentpen tolyqtyrý usynyldy.