Árqaısysy 25 tapsyrmadan turatyn verbaldy jáne sandyq testten ótýge sáıkesinshe 25 mınýttan berildi. Bul kezeńde qatysýshylar shekteýli ýaqyt ishinde mátindik materıaldar men qujattardy taldady, sandyq kórsetkishteri bar dıagramlarmen, kestelermen jumys jasady. Tapsyrmalar barynsha zeıin men analıtıkalyq qabilettilikti talap etti.

Testileý verıfıkasıasyna eń joǵary bal jınaǵan 904 qatysýshy jiberildi.

Sandyq jáne verbaldy testilerdiń kúrdeliligi úzdik úmitkerlerdi irikteýge múmkindik berdi. Belgilengen talaptarǵa sáıkes, testileýdi verıfıkasıalaýǵa qabiletterin testileý kezinde eń joǵary bal jınaǵan 1000 adamnan aspaıtyn kandıdattar sany jiberiledi. Testileýdiń nátıjesi birneshe úmitkerlerde teń bolǵan jaǵdaıda irikteýdiń kelesi kezeńine 1000 adamnan aspaıtyn úmitkerler sany jiberilýi múmkin.

Belgilengen talaptarǵa sáıkes ótý shegi 50-den 30-dy qurady, bul úmitkerlerdiń qabiletteriniń jaqsy deńgeıin kórsetedi.

Qazirgi ýaqytta testileýdiń kelesi kezeńi – testileýdi verıfıkasıalaýǵa jiberilgender tizimi – Memlekettik qyzmet isteri agenttiginiń resmı saıtynda jáne pkrezerv.kz onlaın-platformasynda jarıalandy.

Esterińizge sala keteıik, irikteýge qatysý úshin alǵashqy tirkeýden 13212 adam ótti, onyń ishinde qyrkúıek aıynyń sońyna deıin 7312 úmitker tirkeý rásimin tolyǵymen aıaqtady.

Testileýge 5745 úmitker qatysty. Prezıdenttik jastar kadr rezervine barlyq kezeńderdiń qorytyndysy boıynsha tek 300 úzdik jáne barynsha daıarlanǵan jastar alynatyndyǵyn eskere otyryp, qabiletterin testileý kezeńinde básekelestik bir orynǵa 19 adamdy qurady.

Qatysýshylardyń testileýdi qalaı ótý kerek jáne kútpegen jaǵdaıda týyndaǵan máseleler bolǵan jaǵdaıda ne isteý kerek, basqa da qoıylǵan suraqtaryna onlaın rejımde áleýmettik jelilerde jáne platformanyń ózinde ýaqytyly tıisti jaýaptar berildi.

Testileýdi verıfıkasıalaý 19 qazanda ótedi. Ony ótý úshin úmitkerlerge vebkamerasy men mıkrafony bar stasıonarlyq kompúter nemese uqsas garnıtýrasy bar noýtbýk qajet.