Qazaqstanda áleýmettik qyzmetkerlerge psıhoemosıonaldyq jáne fızıkalyq júkteme úshin qosymsha aqy tóleý usynylyp otyr.

 Stasıonarlyq jáne jartylaı stasıonarlyq tıptegi medısınalyq-áleýmettik mekemelerde (pallıatıvti kómek bólimshelerin qospaǵanda) qosymsha aqy:

basqarýshy personalǵa – laýazymdyq eńbekaqynyń 30%, negizgi personal qyzmetkerlerine (áleýmettik qyzmetkerlerdi qospaǵanda) – 35%, áleýmettik qyzmetkerlerge – 40%, sanıtarlarǵa – 40%.

Al stasıonarlyq jáne jartylaı stasıonarlyq tıptegi medısınalyq-áleýmettik mekemelerdiń pallıatıvti kómek bólimshelerinde:

tárbıeshilerge, barlyq mamandyqtaǵy medbıkelerge, sanıtarlarǵa – 60%,  ýaqytsha bolý, úıde qyzmet kórsetý uıymdaryndaǵy qyzmetkerlerge, basqarýshy personal –15%, negizgi personal qyzmetkerlerine (áleýmettik qyzmetkerlerdi qospaǵanda) –20%, áleýmettik qyzmetkerlerge – 35%, sanıtarlarǵa – 20%.

Joba "Ashyq NQA" portalynda 28 qazanǵa deıin qoǵamdyq talqylaýǵa shyǵarylǵan. Negizdemesinde álýmettik qyzmet kórsetý júıesinde bilikti kadrlardyń jetispeıtini jazylǵan. Bul jumys qarqyndylyǵyna sáıkes kelmeıtin tómen jalaqymen baılanysty bolyp otyr.

Áleýmettik qyzmetkerlerge tólenetin qosymsha aqy úshin úsh jylǵa 25,1 mıllıard teńge nemese jyl saıyn 8,37 mıllıard teńge qarastyrylǵan ("2020-2022 jyldarǵa arnalǵan respýblıkalyq búdjet týraly" zań jobasy).