UQK ózge memlekettik organdarmen jáne shetel seriktesterimen birlesip "Jýsan" operasıasy sheńberinde Sırıadan 595 qazaqstandyqty elge qaıtardy, – dep Qamshy.kz aqparat agenttigi habarlaıdy, Ulttyq qaýipsizdik komıtetiniń baspasóz qyzmetine silteme jasap.

Derekterge súıensek, 400-den astamy balalar. Elge qaıtarylǵan adamdardardyń ishinde 10 er adam men 5 áıel Qazaqstanda tyıym salynǵan DAISH halyqaralyq terorıstik uıymynyń áreketine qatysý deregi boıynsha ártúrli merzimderge bas bostandyǵynan aıyrylǵan. 

"Tergeý nusqasy boıynsha Sırıada DAISH-tiń bir jasaǵynda bolǵan taǵy 14 azamatqa qatysty qylmystyq isti tergeý aıaqtaldy. Olarǵa terorıstik áreketke qatysty "áreketke tartty jáne terorızmdi nasıhattady, sondaı-aq ózge de aýyr qylmystar jasady" degen aıyp taǵyldy", – deıdi QR UQK resmı ókili Arken Abdýǵalı.

Komıtet málimdeýinshe, qylmystyq is materıaldary Nur-Sultan qalasynyń mamandandyrylǵan aýdanaralyq qylmystyq ister boıynsha sotyna berilgen.