Elbasy N.Nazarbaevtyń qazaqstandyqtardyń 30 paıyzǵa jýyǵyn buqaralyq sportqa tartý týraly tapsyrmasy bul salany damytýǵa tyń serpilis syılaǵany jasyryn emes. Bul turǵyda Qordaı aýdanynda da nátıjeli jumystar atqarylýda.
Jalpy, aýdannan shyqqan sport sańlaqtary az emes. Mysaly, kıkboksıńtan álem chempıony, sporttyń osy túrinen Qazaqstan chempıony, kıkboksıńten sport sheberi, Qordaı aýdany Býlar batyr aýylynda dúnıege kelgen Rashıd Daýrov, álem chempıonatynyń kúmis júldegeri, Qazaqstanyń erkin kúresten úsh dúrkin chempıony, kóptegen halyqaralyq jarystardyń jeńimpazy, erkin kúresten sport sheberi, jekpe-jek sport túrinen halyqaralyq dárejedegi sport sheberi, Qordaı aýdany Qordaı aýylynda týǵan Tólegen Aqylbekov, Azıa oıyndarynyń estafetalyq júgirýden kúmis júldegeri, Qordaı aýylynyń týmasy Svetlana Ivachýkova jáne kásipqoı bokstan IBA chempıony, halyqaralyq dárejedegi sport sheberi, Shyǵys Azıa oıyndarynyń jeńimpazy, Qarýly Kúshter arasyndaǵy álem chempıonatynyń kúmis júldegeri, Azıa oıyndarynyń qola júldegeri, Qordaı aýdany Qordaı aýylynda dúnıege kelgen Marat Mázimbaevtardy jergilikti jurt maqtanyshpen aıtady. Óskeleń urpaq ta osyndaı darabozdardy úlgi tutyp, sheberlikterin shyńdaı túsýde.
«Biter istiń qasyna jaqsy keler qasyna» — demekshi, Qordaı aýdanynyń osyndaı qarqyndy damı túsýine joǵary basshylyqtyń da úlesi bir túıege júk artqandaı. Aıtalyq, aýdan ákimi Baıtóle Bolatbek Baıqonysulynyń biliktiliginiń arqasynda kóptegen irgeli jańa jobalar dúnıege kelip iske asýda.
2018 jyldyń qorytyndysy boıynsha Qazaqtyń Sport jáne týrızm akademıasynyń qara shańyraǵynda aıtýly oqý orny men Respýblıkalyq «Sport juldyzdary» redaksıasy birigip, jyl úzdikterin anyqtaǵan bolatyn. Sol shara barysynda elimiz boıynsha «Úzdik aýdan ákimi» júldesi Qordaı aýdanynyń ákimi Baıtóle Bolatbek Baıqonysulyna berilgen edi. Sonymen qatar Jambyl oblysy boıynsha «Eń úzdik sport bólimi» — degen qurmetti marapatty Qordaı aýdany ákimdiginiń Deneshynyqtyrý jáne sport bóliminiń basshysy, jasóspirimder arasynda sambodan álem chempıony, ersekter arasynda kúmis júldeger Dıdar Moldaǵalıevtiń eren eńbegi elenip, osyndaı maqtan bolar jetistikterge jetip otyr. Bul eńbektiń jemisiniń baǵalanýy dep bilemiz. Osyndaı sport salasyndaǵy serpindi qozǵalystyń baıqalýy, tabandy jumystyń nátıjesi ekenin basa aıtqan jón. Ár salada óz mamany ǵana bolyp qoımaı, ınovasıalyq jańa oı-ıdeıalardy iske asyrýda Qordaı óńiri mine, osyndaı irgeli istermen oblys boıynsha qamshy saldyrmaı alda keledi.
«Asyl tastar asqar taýda týady» — degen qanatty sóz bar. Qoıyny qut-berekege tunǵan Qordaı jerinde ekonomıkalyq órleý men birge úlken sporttyń da damyp bara jatqanynyń osylaısha kýási bolyp otyrmyz. «Búgingi kún-keshegi kúnniń kóleńkesi» — dep babalarymyz tegin aıtpasa kerek. Búgingi kúni Qordaı óńiriniń kúnnen kúnge jasara-jaqsara túsýi, keshegi ótken altyn izdi babalarymyzdyń qaldyrǵan muralaryn jańǵyrta otyryp, zaman aǵymynan qalyspaı janjaqty damýdy maqsat etýi ekendigi daýsyz.
