Qazaqstandyq boksshy Gennadıı Golovkınniń promoýteri Eddı Hırn óziniń klıenti men polshalyq Kamıl Sheremeta arasyndaǵy kezdesý 29 aqpanda Chıkagodaǵy Wintrust Arena kesheninde ótýi múmkin ekenin aıtty, dep jazady Qamshy.kz aqparat agenttigi  Prosports.kz aqparatyna súıenip. 

«Biz jekpe-jekti 29 aqpanda ótkizemiz dep josparlap otyrmyz. Arena boıynsha da birneshe nusqa bar. Chıkagoda ótkizsek tamasha bolar edi. Sheremeta – polshalyq boksshy, al Chıkagoda onyń otandastary óte kóp. Sol úshin jekpe-jekti Chıkagoda ótkizý ıdeıasyn qoldaımyz», dedi Hırn.

Sondaı-aq osydan biraz kún buryn qazaqstandyq boksshynyń promoýteri «Chıkagoda Golovkınniń bedeli óte jaqsy dep oılaımyn. Ol álem chempıondyǵyna mindetti úmitker Kamıl Sheremetamen kezdeskisi kelse, onda Chıkagoǵa barýdyń máni bar. Naqty aıta almaımyn, biraq kelissózder júrip jatyr. Bizdi mindetteıtin sıaqty. Belbeý jeńip alsań, seni ataǵyńdy qorǵaýǵa mindettep qoıady, alaıda IBF óıtken joq. Soǵan qaramastan kelissózder bolyp jatyr. Sheremetanyń belbeýge talasqysy keletinin bilemiz», degen bolatyn.

Esterińizge sala ketelik, 6 qazanda ýkraınalyq boksshy Sergeı Derevánchenkony tóreshiler sheshimimen jeńgen Golovkın Meksıka boksshysy Saýl «Kanelo» Alvarespen úshinshi jekpe-jegin ótkizýge úmitti. Al Alvares Gennadımen shyqpaıtynyn málimdedi. Deı turǵanmen DAZN strımıngtik qyzmeti 13 qazanda qos boksshynyń arasyndaǵy kezdesýdiń ótetinin habarlaǵan bolatyn.