Memleket basshysy Qasym-Jomart Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty halyqqa arnaǵan Joldaýynda qala men aýyl mektepteri arasyndaǵy bilim sapasynyń alshaqtyǵyn joıý, «Dıplommen - aýylǵa» baǵdarlamasynyń aıasyn keńeıtý, oqýshylardyń qabiletin aıqyndap, kásibı baǵyt-baǵdar berý, daryndy aýyl jastaryn iriktep, otandyq jáne sheteldik joǵary oqý oryndaryna daıyndaý, oqýshylardy sapaly oqýlyqtarmen qamtamasyz etý baǵytynda naqty tapsyrmalar bergen bolatyn.

Búginde Jambyl oblystyq bilim salasyndaǵy baqylaý departamenti Joldaý júktegen mindetterge sáıkes, júıeli jumystar atqarýda. Departament óziniń jumysyn josparlaýda, onyń ishinde profılaktıkalyq baqylaýdy júzege asyrýda aýyl mektepterin qamtýdy kózdeıdi. Óıtkeni, profılaktıkalyq baqylaý júrgizý kezinde aýyl mektepteriniń bilim berý qyzmetine taldaý jasalyp, qajettilikteri anyqtalady. Oryn alǵan máseleler boıynsha jergilikti atqarýshy organdarǵa usynymdar berilip, oń sheshimin tabýǵa yqpaly tıedi.

Josparǵa sáıkes sońǵy 2 jylda 66 mektepte memlekettik baqylaý sharalary júrgizilse, onyń 75 paıyzy (49) aýyldyq mektepterde ótkizilgen.

-Baqylaý sharalarynyń nátıjeleri qalalyq mekteptermen salystyrǵanda aýyldyq mektepterdiń materıaldyq-tehnıkalyq bazasynyń álsizdigin, kompúterlik tehnıkamen qamtamasyz etilýi men ınternet jyldamdyǵynyń, oqý-tárbıe prosesin uıymdastyrýda bilim salasyndaǵy zańnamalardyń talaptaryn saqtaý deńgeıiniń tómendigin, pánder boıynsha pedagog kadrlardyń tapshylyǵyn kórsetip otyr.

Bıylǵy jyldyń ózinde 22 aýyldyq mekteptiń bilim berý qyzmetin júzege asyrý sapasyna profılaktıkalyq baqylaý júrgizilip, zańnama talaptaryna sáıkes kelmeıtin birqatar derekter anyqtaldy,-deıdi departament basshysy D.Ýskýmbaeva.

Atap aıtqanda 9 aýyldyq mektepte quryltaıshy qujattarynyń Qazaqstan Respýblıkasynyń «Bilim týraly» Zańynyń 41-babyna sáıkes rásimdelmeýi, 17 mektepte «Kúndelik» elektrondy jýrnalynyń talapqa sáıkes toltyrylmaýy, 11 mektepte balalardy 1 synypqa qabyldaýdy Qazaqstan Respýblıkasy Bilim jáne ǵylym mınıstriniń 2018 jylǵy 12 qazandaǵy №564 buıryǵyna sáıkes júrgizbeý syndy kemshilikter anyqtalyp, naqty sharalar qoldanylǵan.

Búginde bul baǵyttaǵy baqylaý sharalary jalǵasýda.