Qazaqstan Respýblıkasynyń Prezıdenti Qasym-Jomart Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty halyqqa arnaǵan Joldaýynda qala men aýyl mektepteri arasyndaǵy bilim sapasynyń alshaqtyǵyn joıý, «Dıplommen - aýylǵa» baǵdarlamasynyń aıasyn keńeıtý, oqýshylardyń qabiletin aıqyndap, kásibı baǵyt-baǵdar berý, daryndy aýyl jastaryn iriktep, otandyq jáne sheteldik joǵary oqý oryndaryna daıyndaý, oqýshylardy sapaly oqýlyqtarmen qamtamasyz etý baǵytynda naqty tapsyrmalar bergen bolatyn.

Búginde Jambyl oblystyq bilim salasyndaǵy baqylaý departamenti Joldaý júktegen mindetterge sáıkes, júıeli jumystar atqarýda. Baqylaýdy júrgizý barysynda, Departamenttiń jaýapty mamandary men tartylǵan sarapshylar tarapynan pedagogıkalyq ujymmen kezdesý ótkizilip, anyqtalǵan buzýshylyqtarǵa taldaý jasalady, olardy joıý boıynsha usynymdar engiziledi, pedagogıkalyq qyzmetkerlerdiń usynys-pikirleri tyńdalyp, ádistemelik kómekter kórsetiledi.

Departamentpen baqylaý nátıjeleri boıynsha oblystyq bilim basqarmasymen, bilim bólimderiniń basshylarymen, ádistemelik kabınet meńgerýshilerimen turaqty túrde keńester ótkizilip, anyqtalǵan buzýshylyqtardy joıý jáne basqa da bilim berý uıymdarynyń qyzmetinde boldyrmaý maqsatynda aldyn alý jumystaryn júrgizý boıynsha naqty tapsyrmalar beriledi.

Jergilikti atqarýshy organdar tarapynan sheshýdi qajet etetin máseleler boıynsha oblystyq bilim basqarmasyna, aýdandar men Taraz qalasy ákimderine, oblys ákimdigine taldamalyq hattar joldanyp, usynymdar beriledi.

Departament qyzmetiniń ashyqtyǵyn jáne aqparattardyń qoljetimdiligin qamtamasyz etý maqsatynda bilim berý uıymdaryna aqparattyq-túsindirý jumystary turaqty túrde uıymdastyrylady.

-Bilim berý sapasynyń kórsetkishteriniń biri – oqý jetistikterin syrttaı baǵalaý nátıjeleri ekendigi belgili. 2019 jylǵy 16-24 sáýir aralyǵynda oqý jetistikterin syrttaı baǵalaý oblystyń 56 jalpy orta bilim beretin mektepterinde ótkizildi. Baǵalaýǵa 4, 9, 11 synyptardyń 8778 oqýshysy qatysty. Baǵalaý nátıjesi boıynsha qala mektepterimen salystyrǵanda aýyl mektepteriniń kórsetkishteri tómen. 4 synyptar boıynsha 19 qalalyq, 36 aýyldyq mektepter qatysqan. Qala mektepteri 20,5 ortasha bal kórsetse, aýyl mektepteri 18,5 kórsetken, 2 balǵa tómen. 9 synyptar boıynsha 20 qalalyq, 36 aýyldyq mektepter qatysqan. Qala mektepteri 47,2 ortasha bal kórsetse, aýyl mektepteri 41,7 kórsetken, 5,5 balǵa tómen. 11 synyptar boıynsha 12 qalalyq, 25 aýyldyq mektepter qatysqan. Qala mektepteri 64,1 ortasha bal kórsetse, aýyl mektepteri 59,1 kórsetken, 5 balǵa tómen.

Sondyqtan, Memleket basshysynyń Joldaýynan týyndaıtyn tapsyrmalardy tıimdi júzege asyrý, onyń ishinde qala men aýyl mektepteri arasyndaǵy bilim sapasynyń alshaqtyǵyn joıý úshin jergilikti atqarýshy organdar oryn alǵan máselelerdi nazarǵa alyp, naqty sharalar qabyldaýy qajet,-deıdi departament basshysy D.Ýskýmbaeva.