Naryqtyq ekonomıka kezeńinde kásipkerlikti damytýǵa den qoımasa bolmaıdy. Sondyqtan da memleket tarapyna aýyl sharýashylyǵyn alǵa bastyryp, shaǵyn jáne orta kásipkerlikti óristetýge kóptep kóńil bólinýde. Bul baǵytta burynnan qalyptasqan baı tájirıbe bar. Óıtkeni, Elbasy azattyqtyń alǵashqy jyldarynan «Áýeli ekonomıka, sonan soń saıasat» degen qaǵıdamen damýdyń dańǵyl jolyn kórsetip berdi. Al Memleket basshysy Q.Toqaevtyń Qazaqstan halqyna alǵashqy Joldaýynda bergen tyń tarsyrmalarynan keıin bul baǵyttaǵy jumystar tipten qarqyn ala tústi.

Qazirgi tańda Jambyl oblysynda agrosektor da, bıznes salasy da burynǵydaı áldeqaıda damyp keledi. Mysaly, bıylǵy qańtar-tamyz aılarynda aımaq boıynsha

aýyl sharýashylyǵynda 131,8 mıllıard teńgeniń ónimi óndirilip, ósim 3,9 paıyzdy qurady. Bul respýblıka óńirleri aralyǵyndaǵy besshi oń kórsetkish.

Mal sharýashalyǵynda et óndirisi – 3,6 paıyzǵa, sút óndirisi – 2,9 paıyzǵa, jumyrtqa óndirisi – 6,5 paıyzǵa artty.

Ótken jyly respýblıka boıynsha eksporttalǵan qoı etiniń 43 paıyzy, ıaǵnı 1,6 myń tonna oblysqa tıesili bolǵan. Bıyl bul meje kóbeıtilip, 8 aıdyń qorytyndysymen 718,5 tonna eksporttaldy.

Ósimdik sharýashylyǵynda aýyl sharýashylyǵy daqyldary 687,2 myń gektarǵa ornalastyrylyp, ótken jylmen salystyrǵanda 25 myń gektarǵa nemese 2,7 paıyzǵa artty.

Sýarmaly jerlerdi kóbeıtý úshin ótken jyly qurylǵan mehotrád 62 shaqyrym kanaldardy tazalap 4 713 gektardy qalpyna keltirdi.

Osynyń esebinen, kókónis-baqsha, kartop jáne dándi daqyldaryna basymdyq berilip, kólemi ulǵaıtyldy.

Jalpy, oblysta agroónerkásip keshenin qoldaýǵa 2019 jyly 14,6 mlrd. teńge sýbsıdıa qarastyrylǵan. Onyń ishinde respýblıkalyq búdjetten – 5,9 mlrd. teńge, oblystyq búdjetten – 8,7 mlrd teńge bólingen. 2019 jylǵy 1 qyrkúıektegi málimet boıynsha 8,0 mlrd. teńge búdjettik qarajat ıgerildi,

Sondaı-aq oblysta shaǵyn jáne orta kásipkerlik salasynda jumys isteıtin sýbektiler sany 70,1 myń birlikti nemese 2018 jyldyń tıisti kezeńine 111,8 paıyzdy qurady.

"Bıznestiń jol kartasy-2020" bıznesti qoldaý men damytýdyń memlekettik baǵdarlamasyn iske asyrýǵa 2019 jyly 1777,3 mln. teńge bólinip, úlken qoldaý kórsetilýde. Aǵymdaǵy jylǵy 1 qyrkúıektegi málimet boıynsha 1688,8 mıllıon teńge ıgerilgen.