Elbasy N.Nazarbaev «Bolashaqqa baǵdar: rýhanı jańǵyrý» atty baǵdarlamalyq maqalasynda ólketaný baǵytyndaǵy jumystardyń jandandyrý, sol arqyly týrızm salasyn damytý turǵysynda oı qozǵaǵan bolatyn. Bul turǵyda qazaq handynyńy negizi qalanǵan qasıetti Áýlıeata óńiriniń, tarıhı Taraz jeriniń áleýeti mol ekendigi aıtpasa da túsinikti. Osy oraıda Jambyl oblysynyń ákimi Asqar Myrzahmetovtiń tikeleı tapsyrmasymen aımaqta týrızm salasynyń tynysyn keńeıtýge baǵyttalǵan tyń bastamalar kóterilýde.

Búginde oblysta 3 365 tarıhı-mádenı mura eskertkishteri ornalasqan, onyń ishinde 2 934 arheologıalyq, 111- tarıhı, 97 arhıtektýraly jáne taǵy sol sıaqty atap aıtqanda qundy jádigerler bar. Uly Jibek jolynyń boıynda ornalasqan 5 nysan, Aqtóbe (Balasaǵun), Qulan, Órnek, Aqyrtas jáne Qostóbe qalashyqtary IýNESKO-niń dúnıejúzilik muralar tizimine engizildi. Sol sıaqty 2 nysan, dálirek aıtqanda Aqyrtas» saraı kesheni jáne «Aısha bıbi» mavzoleıi Eýrazıa ekonomıkalyq yntymaqtastyq uıymynyń «Erekshe tartymdy týrısik nysandar» tizilimi qatarynan kórindi. Budan bólek oblysta «Berikqara», «Merki», «Ańdysaı», «Úmbet, «Qaraqońyz» qoryqsha-zakaznık, 6 sanatorlyq-saýyqtyrý mekemeleri, 10 balalar lagerleri ornalasqan.

Búginde Jambyl oblysy ákimdigi týrızm basqarmasynyń uıymdastyrýymen túrli sharalar da ótkizilýde. Sol qatarda Qazaqstannyń Almaty, Túrkistan, Shymkent qalasynyń 9 týrısik kompanıalary arqyly kelýshiler «Ortaǵasyrlyq Tórtkól» kerýen saraıynda ornalasqan «Kóne Taraz sheberleri» qalashyǵymen tanysty. İs-sharaǵa barlyǵy 5 565 adam tartylǵan. Olardyń 500-den astamy Germanıa, Italıa, Jańa Zelandıa, Japonıa, Bolgarıa, Qyrǵystan, Tájikstan, Ózbekstan jáne Reseı memleketterinen kelgen sheteldik týrıser. Al elimizdiń basqa oblystarynan 1800 týrıs qamtyldy.

Jambyl oblysy boıynsha jalpy uzyndyǵy 495 shaqyrymdy quraıtyn ara qashyqtyqta 9 jol boıǵy servıs keshenderiniń qurylysyn júrgizý oryndary aıqyndaldy. Qurylys jumystary 5 aýdandyq eldi mekenderdi qamtıtyn bolady.

Talas Alataýynyń 3200 metr bıiktiginde ornalasqan, jobalyq quny 3 mlrd. 355 mln. teńgeni quraıtyn, «Qaralma» taý-shańǵy bazasy» jobasy júzege asyrylýda. Búgingi tańda qurylysqa 274 ga jer telimi bólinip, elektr qýatymen jabdyqtaý, gazofıkasıa men sý qubyryn júrgizý ınjenerlik komýnıkasıalary ótetin jerleri anyqtaldy, avtojol qurylysy aıaqtaldy.

Tehnıkalyq sıpattamalary boıynsha arqandy joldyń uzyndyǵy 2050 metrdi quraıdy. Keshenniń quramyna 20 kotej, 100 oryndyq 1 meımanhana, árqaısysy 70 oryndyq 2 meıramhana, 30 oryndyq kafe, baqylaý munarasy, qyzmet kórsetý ortalyǵy, 100 avtokólikke arnalǵan avtoturaq, baseın jáne basqa da saýda-oıyn-saýyq oryndary kiredi.