«Qazfosfat» jaýapkershiligi shekteýli seriktestigi Jastar jylyna oraı birqatar jarqyn jobalarǵa uıytqy bolýda. Buǵan deıin seriktestikke qarasty óndiristik bólimderdiń jas mamandary arasynda ǵylymı joba jarysy uıymdastyrylyp, sporttyq saıystar da ótkizildi. Óner dodalary týraly áńgime óz aldyna bólek. Taıaýda osy seriktestikke qarasty «Qarataý» jáne «Sholaqtaý» taý-ken óńdeý keshenderiniń on jas mamany Almaty qalasynda «Micromine» baǵdarlamasyn ıgerý maqsatynda ekiaptalyq oqý kýrsynan ótti.

Jalpy, «Micromine» - taý-ken óndirý ónerkásibiniń geologıalyq barlaý jumystarynan bastap taý-ken óndirisi, ony josparlaý jáne basqarý sıaqty óndiristik sıkldi qamtıtyn keshendi sheshim jáne jumys júıesinde paıdalanýǵa óte yńǵaıly baǵdarlama ekendigin ýaqyt kórsetip otyr. «Qazfosfat» JSHS-niń fosfor óndirisin basqarýdaǵy saıasatyn basshylyqqa alǵan «Qarataý» taý-ken óńdeý kesheniniń dırektory M.B.Sársenov bul baǵdarlamany iske asyrýdyń keshenniń bolashaqtaǵy jumystaryn uıymdastyrýda úlken mańyzy bar ekenin, asa qajettiligin eskerip qolǵa alý jóninde sheshim qabyldaǵan edi. Osy sheshimniń negizinde «Qarataý» jáne «Sholaqtaý» taý-ken óńdeý keshenderiniń on jas mamany Almaty qalasynda «Micromine» baǵdarlamasyn ıgerý maqsatynda ekiaptalyq oqý kýrsynan ótti. Oqý kýrsynda taý-ken óndirý ónerkásibiniń geologıalyq barlaý jumystaryn, taý-ken óndirisi, ony josparlaý jáne basqarý sıaqty óndiristik sıkldi qamtıtyn keshendi kompúterlik baǵdarlamalar jasaýdyń ádis-tásilderin meńgerdi. Oqýdy aıaqtaǵan soń olarǵa teorıalyq bilimderin is júzinde asyrýdy úırenip, qalyptasý úshin arnaıy kabınet jabdyqtaldy. Ony «Micromine» ortalyǵy dep atady. Ortalyqta sońǵy úlgidegi, osy baǵdarlama júıesine engizilgen eki dana kompúter jınaǵy, úlken formattaǵy keskinderdi shyǵarý úshin plotter qurylǵysy, taǵy bir kompúter, keskinderdi ilý úshin magnıtti taqta jáne taǵy da basqa kerekti jabdyqtar qoıyldy.

Jaqynda «Micromine» ortalyǵyndaǵy mamandardyń oqyp, úırengenderin, jasaǵan baǵdarlamalaryn kópshilikke usyný maqsatynda alǵashqy ashyq esik kúni ótkizildi. Sharaǵa «Qarataý» taý-ken óńdeý kesheniniń dırektory M.B.Sársenov bastaǵan keshen bas mamandarymen qatar «Qazfosfat» JSHS-niń personaldardy basqarý jáne kadrlardy daıyndaý jónindegi bólim basshysy J.A.Orazymbetova, Fosfor ónimderin óndirý jónindegi bas menedjer S.Ó.Tursynbekov qatysty. Tehnıkalyq bólimniń jetekshi ınjeneri S.B.Serikbaev - «Sholaqtaý» ken ornynyń +251m gorızontyna taý-ken jumystaryn josparlaý» taqyrybynda, bas geolog M.A.Makaev – «Ken ornynyń geologıalyq minezdemesi», «Sholaqtaý» TKÓK-i geology A.Saıdýllaev «Micromine» baǵdarlamasynyń geologıalyq múmkindikteri», OBF geology E.E.Erdeshbaev – «Ken ornynyń gıdrogeologıasy», Basqarmanyń marksheıderi N.Baısalbaev – «Marksheıderlik jumysta «Micromine» baǵdarlamasynyń múmkindikteri», «Sholaqtaý» TKÓK-niń marksheıderi K.Núrkenov – «Ken ornyn ázirleý júıesi», Jobalaýshy-ınjener A.Tájiqul – «Taý-ken jumystarynda paıdalanylatyn tehnıkalar», bas kenshi A.M.Arıpbaev – «Jarý jumystary» jaıynda daıyndaǵan materıaldaryn slaıd kórsetilimder arqyly qatysýshylarǵa usyndy. Ózderine qoıylǵan suraqtarǵa tıisti jaýaptaryn berdi.

«Micromine» baǵdarlamasy negizinde óz mamandyqtary boıynsha jasaǵan taqyryptyq baǵdarlamalaryn kópshilikke usynǵan mamandar az ýaqyttyń ishinde baǵdarlama boıynsha ǵylymı-teorıalyq maǵlumattar alǵandyǵyn kórsetti.

Jıyn sońynda «Qarataý» taý-ken óńdeý kesheniniń dırektory M.B.Sársenov «Micromine» baǵdarlamasynyń taý-ken jumystaryndaǵy zor múmkindikterin aıta kelip, az ýaqytta osyndaı jetistikke jetken «Micromine» ortalyǵynyń mamandaryna alǵysyn aıtyp, óziniń usynys, tilekterin jetkizdi.