QR UQK Almaty qalasy boıynsha Departamenti sıntetıkalyq esirtkilerdi daıyndaıtyn jasyryn esirtki zerthanasyn tapty, – dep Qamshy.kz aqparat agenttigi habarlaıdy, QR UQK baspasóz qyzmetine silteme jasap.

Jedel-izdestirý sharalaryn ótkizý nátıjesinde Almaty qalasynyń turǵyny qylmystyq is boıynsha ustaldy.

Zerthanadan 2 kg jýyq sıntetıkalyq esirtkiler (balama túrde 2 myń dozaǵa jýyq) jáne 526 lıtr prekýrsorlar alynyp, olar sot-hımıalyq saraptamaǵa jiberildi. Al daıyn psıhotropty zattardy satý Telegram jáne VIPole messendjerlerindegi ınternet-dúkenderi arqyly júzege asyrylǵan.

Atalmysh fakti boıynsha QR UQK Almaty qalasy boıynsha Departamenti QK 297-baby 3-tarmaǵy boıynsha qylmystyq is qozǵaldy. Ustalǵan adam tergeý ızolátoryna ornalastyrylyp, sotqa deıingi tergeý amaldary jalǵasýda.