Úndistannan kelgen 8 jumysshy qurylys nysanynda tóbeles shyǵardy, – dep Qamshy.kz aqparat agenttigi habarlaıdy, Nur-Sultan qalasy polısıa departamentiniń baspasóz qyzmetine silteme jasap.

Departamenttiń málimdeýinshe, jataqhana aýmaǵynda Úndistan azamattary arasynda tóbeles bolǵan.

Oqıǵa saldarynan úsh adam jaraqat alǵan. Al "Esil" aýdanynyń polısıa basqarmasyna 8 sheteldik jumysshy jetkizilgen.

Polısıada qurylys nysanynyń ataýyn naqtylaǵan joq. Qazirgi ýaqytta bul fakti boıynsha Qylmystyq kodekstiń "Buzaqylyq" babyna sáıkes, sotqa deıingi tergeý bastaldy.

Al kinálilerge eki myń aılyq eseptik kórsetkishke deıin (5 mıllıon teńgeden astam) aıyppul salynýy nemese 2 jylǵa deıin bas bostandyǵyn shekteý jazasy qarastyrylǵan. Sondaı-aq dál osy merzimge bas bostandyǵynan aıyrylýy da múmkin.