Qostanaı oblysynyń sybaılas jemqorlyqqa qarsy qyzmeti birneshe márte para aldy degen kúdik boıynsha Qostanaı qalalyq polısıa basqarmasy kóshi-qon qyzmeti bóliminiń basshysy, polısıa podpolkovnıgi Baıjanovqa qatysty sotqa deıingi tergeýdi aıaqtady, – dep Qamshy.kz aqparat agenttigi habarlaıdy.

"Ol Kravchýktyń kómegimen Manýkán, Grebenúk, Egıazarán, Zakoıan men Mahmadovtan jalpy qamqorlyǵy, sheteldikterdi kedergisiz tirkeý men olarǵa elde turýǵa yqtıarhat rásimdeý úshin 3 mıllıon 10 myń teńge somasynda júıeli negizde para aldy degen kúdikke ilindi",  – dep sybaılas jemqorlyqqa qarsy is-qımyl agenttiginiń baspasóz qyzmeti habarlady.

Qostanaı qalasynyń №2 sotynyń úkimimen Baıjanov 6 jylǵa sottaldy. Sondaı-aq ol memlekettik qyzmette laýazymdy qyzmetpen aınalysý jáne arnaıy ataq-shen alý quqyǵynan ómir boıyna aıyryldy.