Katonqaraǵaı aýdanyndaǵy bes tirek aýylda ınfraqurylymdyq jobalar iske asyrylady. Mundaǵy basty maqsat – eldi mekenderdi kórkeıtip, halyqtyń ál-aýqatyn arttyrý. Bul týraly aımaqtyq komýnıkasıalar qyzmetinde ótken brıfıńte Katonqaraǵaı aýdanynyń ákimi Renat Qurmambaev málim etti.

Katonqaraǵaı aýdanynda Memleket basshysynyń tapsyrmasy boıynsha Elbasynyń «Aýyl – El besigi» arnaıy jobasyn júzege asyrý jumystary jalǵastyrylady. 

– Aqqaınar, Soldatova, Novo-Haırýzovka aýylynyń turǵyndary sapaly aýyz sýmen qamtamasyz etildi. Bul «Óńirlerdi damytý» baǵdarlamasy aıasynda iske asyryldy, – dedi aýdan basshysy.

Bıyl Altynbel, Úlken Naryn, Katonqaraǵaı aýyldarynda abattandyrý jumystary júrgizildi. Osy maqsatta 30 mıllıon teńge bólindi. Oǵan balalarǵa arnalǵan oıyn alańdary salyndy. Budan bólek workout alańdary ornatyldy.