Katonqaraǵaı aýdanynda týrızmdi damytý maqsatynda birneshe qonaqúı salynady. Budan bólek «Altaı» kýrorty ashylady. Bul týraly aımaqtyq komýnıkasıalar qyzmetinde ótken brıfıńte Katonqaraǵaı aýdanynyń ákimi Renat Qurmambaev málim etti.

Aldaǵy ýaqytta Buqtyrma sý qoımasynyń janyndaǵy demalys bazasy qoldanysqa beriledi. Onda 12 oryndyq 3 kotej, 50 oryndyq asqana, 100 oryndyq meıramhana, 45 oryndyq 5 kúrke, 10 oryndyq monsha salyndy. Sondaı-aq 2 sý motosıkl, 1 ıahta jáne 12 oryndyq qutqarý qaıyǵy satyp alyndy. Osy maqsatta 800 mln. teńge jumsaldy. Brıfıńke qatysqan aýdan ákimi osylaı dedi.

– Topqaıyń aýylynda 60 oryndyq emdeý-saýyqtyrý keshenin salý josparda bar. Oǵan 120 mln teńge qarastyrylǵan. Atalmysh nysan 2020 jyly el ıgiligine paıdalanýǵa beriledi, – dedi Renat Qurmambaev.

Katonqaraǵaı aýdanynda SHQO ákimi Danıal Ahmetovtiń tapsyrmasy boıynsha memlekettik-jekemenshik áriptestik aıasynda Katonqaraǵaı aýylynyń №2 aýdanaralyq aýrýhanasynda «Altaı» kýrortyn ashý josparlanýda. Budan bólek «Sogornoe-Aqsý» baǵyty men Iazevoe kóline kireberistegi joldarǵa jóndeý jumystary júrgiziledi.