Aqparat jáne qoǵamdyq damý mınıstri Dáýren Abaev qazaqstandyqtardy telefon nómirlerin tirkeýge shaqyrdy dep habarlaıdy Qamshy.kz aqparat agenttigi.

Bul týraly mınıstr "Habar" arnasyndaǵy "Otkrytyı dıalog" baǵdarlamasynda aıtyp berdi. 

«Elimizde uıaly baılanys abonentterine óz nómirin tirkeýdi mindetteıtin zań bar. Qazir sol zańnyń qalaı oryndalatynyn kórip otyrmyz. Aqparat jáne komýnıkasıalar mınıstrligin basqarǵan kezimde osy máseleni birneshe ret túsindirdim. Qazir bul saladaǵy memlekettik saıasatty Sıfrlyq damý mınıstrligi júrgizedi. Biraq meniń bul másele týraly pikirim ózgergen joq. Memleket mınıstrlik arqyly abonentterdiń ózi úshin bárin retke keltirip jatyr" - dedi mınıstr.

"Telefon nómiri eń aldymen tek birneshe san ǵana emes, sondaı-aq jekemenshikti zat. Ol - memlekettik qyzmetterge, kasalyq operasıalar men tólemderge qol jetkizý degen sóz. Sonymen qatar, jeke qaýipsizdik máselesi taǵy bar. Nómirińiz basqa adamǵa tirkelgenin elestetip kórińizshi. Ol adam sizdiń jeke málimetterińizge qol jetkizý arqyly nómirińizdi óshire alady, balanstan qarajatty alady jáne qońyraý málimetterine qol jetkize alady. 

Memleket eshqandaı shara qoldanbady dep aıyp taǵýdyń ornyna,  15 mınýt ýaqytńyzdy bólip, telefon nómirińizdi tirkep alyńyz. Qansha eskertip aıtsaq ta, kóptegen abonentter baılanyssyz qalǵanda ǵana qozǵaldy. Alǵashynda narazylyq kóp boldy, biraq adamdar óz atyna qansha nómirdiń tirkelgenin kórip, memlekettiń durys jumys istep otyrǵanyn túsindi. Sebebi, uıaly nómir – memlekettik qyzmetterge, aqsha tranzaksıasyna, tólemderge ruqsat beretin adamnyń jeke menshigi.

Eger turǵynnyń atyna óz ruqsatynsyz nómir tirkelse, bul nómir qoldanýshysy alaıaq nemese telefon lańkesi bolyp shyqsa, taǵy biraz qıyndyq týyndaýy ǵajap emes. Ondaı jaǵdaıda quqyq qorǵaý organdaryna baryp, zańǵa qaıshy eshteńe istemegenin dáleldeý qajet», - dep túsindirdi D. Abaev.

Eske sala keteıik, 2019 jyldyń 1 qańtarynda Qazaqstanda abonenttik qurylǵylardy tirkeý prosesi aıaqtalǵan bolatyn. Bul mobıldi telefondardyń urlanýyna, alaıaqtyqqa qarsy kúres maqsatynda istelip otyr.