Almaty oblysynda azamattyq nekedegi kúıeýin oqtaýmen uryp óltirdi degen kúdikpen 55 jastaǵy áıel ustaldy dep habarlaıdy 24.kz saıtyna silteme jasap.

Oqıǵa Kerbulaq aýdanynda bolǵan. Saryózek aýylynyń turǵyny polısıaǵa habarlasyp, kúıeýiniń jan tapsyrǵanyn aıtqan. Oqıǵa ornyna jetken polıseıler 1952 jyly týǵan erkektiń denesinde kógergen-isingen qandy jaraqattar baryn anyqtady. Tártip saqshylary qylmys bolǵan úıden kisi óltirý úshin qoldanylýy múmkin oqtaýdy tapty.

«Úı ıesi Kerbulaq aýdanynyń polısıa bólimine jetkizildi. Ol otbasylyq janjal kezinde ishimdik iship, masaıyp alǵan kúıeýin qolmen jáne oqtaýmen sabaǵanyn aıtty. Qazir 55 jastaǵy áıel qamaýǵa alynǵan. QR QK 99-babymen qylmystyq is qozǵaldy», – dep málim etti Almaty oblystyq PD baspasóz qyzmeti. Qylmystyq isti Kerbulaq aýdanynyń polıseıleri tergep jatyr.