İshki ister mınıstri Erlan Turǵymbaev kezekten tys attestasıanyń nátıjesin jarıalady, – dep Qamshy.kz aqparat agenttigi habarlaıdy.

Mınıstrdiń aıtýynsha, attestasıadan komıtet tóraǵalary, departament basshylary, oqý oryndarynyń jetekshileri men olardyń orynbasarlary ótti. Al komısıaǵa prezıdent ákimshiliginiń jetekshisi Erlan Qoshanovtyń ózi tóraǵalyq etti.

"Jalpy, birinshi basshylardyń 60 prosenti aýysty. Barlyǵy – 21 basshy, ortalyq apparat – 12, oblystaǵy basshylar – 9. Olar Nur-Sultan qalasy, Aqmola, Aqtóbe, Atyraý, Qaraǵandy, Qyzylorda, Pavlodar, Soltústik Qazaqstan oblysyndaǵy jetekshiler jáne kóliktegi departament basshylary. Sonymen qatar, ortalyq apparatta 15 basshynyń orynbasary, al óńirlerde 25 bastyq orynbasarlary aýysty", – dep baspasóz máslıhatynda mınıstr málimdedi.

Odan ózge  ishki ister mınıstrligine qarasty oqý oryndarynyń basshylary 40 prosentke ózgerdi. Olardyń tórteýi – birinshi basshylar, altaýy – orynbasarlar.

"Sondaı-aq, 19 basshy joǵary qyzmetke usynylyp, prezıdenttik kadrlyq rezervke engizildi",  – aıtty Turǵymbaev.