Premer-mınıstrdiń birinshi orynbasary – Qarjy mınıstri Álıhan Smaıylov úkimet otyrysynda qolma-qol aqshasyz aýdarymdaryna qatysty pikir bildirdi, dep jazady QazAqparat.

– Aqsha aýdarymdary boıynsha komısıa bolmaǵandyqtan, paıdalanýdyń yńǵaılylyǵyna baılanysty Kaspi sıaqty jedel aýdarym júıeleriniń turǵyndar arasynda jáne bızneste tanymaldyǵy artyp keledi. Árıne, qolma-qol aqshasyz tólemderdiń ósimi kóleńkeli ekonomıkanyń tómendeýine yqpal etetinin túsinip otyrmyz. Qarjy mınıstrligi mundaı aýdarymdardan eshqandaı qosymsha tólem nemese salyq alýdy josparlap otyrǵan joq. Ásirese jeke tulǵalardyń qolma-qol aqshasyz aýdarymdaryn tekserý – eshqandaı josparda joq, – deıdi Premer-Mınıstrdiń birinshi orynbasary.

Álıhan Smaıylovtyń aıtýynsha, mınıstrlik banktermen birlesip, qolma-qol aqshasyz esep aıyrysý úshin yńǵaıly jáne zamanǵa ınfraqurylymdy damytý jumystaryn júrgizip keledi.

– Al kásipkerlik sala ashyq bolýy kerek. Zańǵa sáıkes kásipkerler fıskaldy túbirtek berip, 2020 jyldyń 1 qańtarynan bastap onlaın-kassalyq mashınalardy paıdalanýy tıis. Kaspi-di kásipkerlik maqsatta paıdalaný – kásipkerlerdi osy mindettemelerden bosatpaıdy. Tutynýshynyń quqyǵyn qorǵaý úshin tekserýdiń mańyzdy ekenin uǵyný kerek, – deıdi ol.