Qazaqstan Táýelsizdigin alǵan jyldardan beri tuńǵysh qazaq azamaty ǵaryshqa ushady degen aqparat taraǵaly bórkimizdi aspanǵa atyp qýanbaǵanymyz joq shyǵar. Iá, Tuńǵysh bolyp Toqtar Áýbákirov, artynan Talǵat ushqanymen, biri KSRO, endi biri RF atynan ushqandyǵy belgili. Endi mine, Táýelsiz Qazaqstannyń atynan ǵarysh keńistigine taǵy bir batyr attanbaqshy. Ol ǵaryshker- Aıdyn Aıymbetov.

Qazaqstandyq ǵaryshker Aıdyn Aıymbetovtyń ǵaryshqa ushý sapary 20 mıllıon dollardy quraıdy. Bul týraly «Qamshy» portaly Azattyq saıtyna silteme jasaı oytyrp habarlaıdy.

Bul týraly jergilikti aqparat quraldaryna Qazaqstan aeroǵaryshtyq komıtet tóraǵasynyń orynbasary Erǵazy Nurǵalıev málimdedi.

Nurǵalıevtiń aıtýynsha, "Roskosmosqa" ázirge qarjy aýdarylmaǵan. Komıtet ókili qarjynyń qaı ýaqytta tólenetinin aıtqan joq.

19 shildede Aıdyn Aıymbetovtyń ǵaryshtyq saparǵa jaı ǵana "qatysýshy" emes, №2 bortınjener qyzmetin atqaratyny belgili bolǵan.

Qazaqstandyq ǵaryshqa ushýdan úmitti eki qazaqstandyq - Aıdyn Aıymbetov pen Muhtar Aımahanov 2007 jyly Reseıdiń Iýrıı Gagarın atyndaǵy ǵaryshkerler daıyndaý ortalyǵynda daıyndyǵyn aıaqtaǵan. Ekeýiniń biri 2009 jyly kúzde halyqaralyq ekıpaj quramynda ǵaryshqa ushýǵa tıis edi. Biraq Qazaqstan jaǵy qarjy tapshylyǵyna súıep ǵaryshker ushyrýdy keıinge qaldyrdy.

Nurzat Toǵjan