Reseıdiń Astarahan oblysyna qarasty Kalınıno aýylyndaǵy orta mektepterdiń birine qazaqtan shyqqan ǵalym, akademık Erejep Mámbetqazıevtiń aty berildi. Bul týraly «Qamshy» portaly baq.kz-ke silteme jasaı otyryp habarlaıdy.
Reseılik akademık, hımıa ǵylymdarynyń doktory – Erejep Mámbetqazıev Kalınıno aýylyndaǵy atalmysh orta mekteptiń túlegi bolǵan. Akademık Mámbetqazıev Erejep Álhaıyruly Qazaqstannyń tuńǵysh bilim jáne ǵylym mınıstri, QR Joǵarǵy keńesiniń 12 shaqyrylymynyń depýtaty bolǵan. Álemdegi jetekshi JOO-lardyń qurmetti profesory, Germanıadaǵy halyqaralyq aqparattandyrý akademıasy shtab-páteriniń vıse-prezıdenti.
Erejep Mámbetqazıev 1963 jyly QazPI-di bitirgen. 1993 - 1995 jyldary QR Bilim mınıstri qyzmetin atqarǵan.
Svetlana Latýnova, Astrahan oblysy Volodar aýdandyq bilim berý ákimshiliginiń basshysy:
-Mundaı sheshimge aýyl turǵyndary biraýyzdan kelgen. Aýyl turǵyndarynyń bul sheshimi bilimdi, daryndy jerlesterine degen qurmetin bildiredi. Ol kisiniń negizgi ǵylymı jumystarynyń baǵyty koordınasıalyq qosylystar elektrhımıasy; tabıǵat qorlaryn tıimdi paıdalaný men qorshaǵan ortany qorǵaýdyń hımıalyq, bıologıalyq ádisterine arnalǵan.
Mámbetqazıevtiń tikeleı qatysýymen 1996 jyly jańa tehnologıalar engizý jónindegi nemis konserni «Shtokhaýzen» men «Aldos» fırmasynyń bazalyq kásiporny Qazaqstan-German-Reseı ekologıalyq ortalyqtary ashyldy.
Osy ortalyqtar negizinde taza sý jáne jańa tehnologıalar UZI quryldy. Mámbetqazıev «Parasat» ordenimen, «QR bilim men ǵylymynyń damýyna qosqan eren úlesi úshin» tósbelgisimen marapattalǵan.
700-den asa ǵylymı eńbekteri AQSH, Eýropa, Qytaı, Monǵolıa elderinde qaıta basylyp shyqty.
Nurzat Toǵjan
