Brıtanıanyń tártip saqshylary 39 vetnamdyqtyń qazasy týraly isti tergeý aıasynda "abaısyzda óltirdi" degen kúdikpen taǵy bir er adamdy ustady, dep Esseks graftyǵynyń polısıasy habarlaıdy.

ria.ru -dyń málimdeýinshe, dúısenbi kúni Pýrflıt qalasynyń 36 jastaǵy turǵyny quryqtalǵan.

"39 vetnamdyqtyń qazasy týraly isti tergeý aıasynda abaısyzda adam óltirdi, adamdardy zańsyz tasymaldap, kóshi-qondy júzege asyrý maqsatynda sóz baılasty degen kúdikpen er azamat ustaldy", – dep  polısıa málimdeme jasady.

Odan ózge quqyq qorǵaýshylardyń aqparatyna súıensek, qazirgi tańda kúdikti jaýap alý úshin qamaýǵa alyndy.

Bastapqyda olar Qytaı azamattary degen boljam jasaldy. Keıinnen marqumdardyń vetnamdyqtar ekeni anyqtaldy.

Tártip saqshylary birneshe adamdy ustady. Olardyń qatarynda júk kóliginiń júrgizýshisi Soltústik Irlandıanyń 25 jastaǵy Morıs Robınson esimdi azamaty bar.