QR SİM «Almaty-Máskeý» ushaǵynda qaza tapqan  qazaqstandyq azamatshanyń jeke tulǵasyn anyqtaldy. Bul týraly «Qamshy» portaly QR SİM baspasóz qyzmetine silteme jasaı otyryp habarlaıdy.

QR SİM «Almaty-Máskeý» reısi boıynsha ushaqtyń 20-shilde kúni apatty jaǵdaıda Samara qalasyndaǵy  Kýrýmoch áýejaıyna  qonǵanyn rastaǵan.

Qazaqstannyń Astrahandaǵy elshiligi Samara qalalyq quqyq qorǵaý qyzmetkerlerine baılanysqa shyqqan. Samaralyq quqyq qorǵaýshylar qaza tapqan qazaqstandyq azamatsha týraly tolyq aqparatty QR elshiligine jetkizgen. Keıin anyqtalǵandaı, qaza tapqan azamatsha – Qaraǵandy qalasynyń 64 jastaǵy turǵyny – Vasıleva Iýlıa Petrovna eken.

Azamatsha Almatydan máskeýge baǵyt alǵan 206-reıste qaza bolǵan. Qazirgi tańda onyń kúıeýi men jaqyndary Samara qalasynda.  Quqyq qorǵaý qyzmetkerleriniń málimetine súıensek, qaza bolǵan azamatshanyń denesinen zorlyq-zombylyq árekettiń aıǵaqtary kezdespegen.

«Bizdiń Astrahandaǵy elshilik qaza bolǵan azamatshanyń týystaryna barlyq kómekti usynǵan. Alaıda, máıitti elge ákelý jumystarymen azamatshanyń týystary ózderi aınalysýda. Degenmen, bizde qarap otyrmaımyz. Qolymyzdan kelgenshe kómegimizdi kórsetýdemiz»,-deıdi baspasóz qyzmetiniń jetekshisi Anýar Jaınaqov.

Nurzat Toǵjan