Aqtóbede polıseılerdiń ustalǵan er adamdy uryp-soǵyp jatqany vıdeoǵa túsip qalǵan, - dep habarlaıdy Qamshy.kz aqparat agenttigi Tengrinews.kz saıtynyń deregin negizge alyp. 

Vıdeoda polıseıler er adamdy PB ǵımaratyna súırep kirgizgenin kórýge bolady. Edende jatqan er adamdy birneshe quqyq qorǵaý organdary qyzmetkerleri tepkileı bastaıdy. Soqqyǵa jyǵylǵan er adam olardan qorǵanýǵa tyrysyp baǵady, biraq oǵan kisen kedergi keltirgen. Jınalyp qalǵan polıseıder metaldetektoryn qırata jazdaıdy - basqa polıseıler ony tirep qalǵan. 

Aqtóbe oblystyq polısıa departamenti baspasóz qyzmetiniń ókilderi oqıǵanyń qalalyq polısıa bóliminde bolǵanyn aıtady.

24 qarashada Aqtóbe oblystyq PD ózindik qaýipsizdik basqarmasy er adamdy uryp-soqqan polısıa qyzmetkerlerine qatysty QR Qylmystyq kodeksiniń 362-baby 1-bóligi ("Bılikti nemese laýazymdyq ókilettikterdi asyra paıdalaný") boıynsha sotqa deıingi tergeýdi bastady.  Oqıǵa qalalyq polısıa bóliminiń ǵımaratynda bolǵan, onda 1992 jáne 1995 jylǵy jigitter buzaqylyq áreketteri úshin jetkizilgen.