Elordada Tuńǵysh Prezıdent kúni qarsańynda az qamtylǵan azamattarǵa áleýmettik kómek kórsetiledi 1 jeltoqsan kúnine oraı áleýmettik tólemder áleýmettik osal sanatqa jatatyn qala turǵyndaryna kórsetiledi, dep habarlaıdy qala ákimdiginiń resmı saıty.

Qazaqstan Respýblıkasynyń Tuńǵysh Prezıdenti kúnine oraı ataýly áleýmettik kómek alýshylar sanatyndaǵy elordalyqtar járdemaqy alady.

Bul sanatqa jan basyna shaqqandaǵy tabysy kedeılik sheginen tómen adamdar kiredi. Ol eń tómengi kúnkóris deńgeıiniń 70% retinde anyqtalady. Nur-Sultan qalasynyń Jumyspen qamtý jáne áleýmettik qorǵaý basqarmasynyń málimetinshe, elordada kedeılik shegi 25398 teńge deńgeıinde belgilendi.

Ataýly áleýmettik kómek alýshylar úshin áleýmettik kómek mólsheri 4,5 AEK nemese 11363 teńgeni quraıdy.