Búgin QR Ulttyq banki «Álemniń áıgili meshitteri» monetalar serıasynan nomınaldyq quny 500 teńgelik  «Baiturrahman» eskertkish altyn monetasyn aınalysqa shyǵardy. Onyń bet jaǵynyń ortasynda Islamnyń qasıetti oryndaryna kireberisti bildiretin stıldendirilgen arkanyń beınesinen, geraldıkalyq shıyrshyqtan jáne monetanyń nomınalyn bildiretin jazýdan turatyn kompozısıa beınelengen. Nomınal sıfrlarynyń oń jaǵynda moneta daıyndalǵan metaldyń synamasyn bildiretin «Au 999» degen jazý ornalasqan. Aınaldyra memlekettik tilde «QAZAQSTAN ULTTYQ BANKİ» degen jazý men bank  logotıpi jáne monetanyń soǵylǵan jylyn bildiretin «2013» degen san, Qazaqstan teńge saraıynyń taýar belgisi jáne shyǵyńqy jıek bar. Syrt jaǵynyń  ortasynda Baıtýrrahman  meshitiniń beınesi,  joǵary bóliginde aǵylshyn tilinde «BAITURRAHMAN» degen jazý jáne aınaldyra shyǵyńqy jıek bar. Monetalardyń bet jáne syrt jaǵyndaǵy beıneler, jazýlar jáne qyry bederli. Ol  999 synamdy altynnan jasalǵan, salmaǵy 3,11 gram, dıametri - 16 mm, daıyndaý sapasy - «proof», taralymy -  3 myń dana. Baiturrahman meshiti Indonezıanyń Banda-Acheh qalasynyń ortalyǵynda Acheh provınsıasynda ornalasqan. Provınsıanyń turǵyndary úshin meshittiń din men mádenıet nyshany retinde sımvolıkalyq máni zor, onyń ústine ol 2004 jylǵy joıqyn sýnamıden aman qaldy.