BTA banktiń burynǵy basshysy Muhtar Ábilázovtiń qaıda ekeni qazir anyqtalyp jatyr. Bul týraly búgin TMD-ǵa múshe memleketter Bas prokýrorlarynyń Úılestirý keńesi Hatshylyǵynyń aıasynda TMD elder Bas prokýratýralary halyqaralyq qurylymdary basshylarynyń kezdesýiniń resmt bóliminen soń jýrnalıserdiń suraǵyna jaýap bere otyryp elimizdiń Bas prokýrorynyń orynbasary I.Merkel málim etti, dep habarlaıdy BNews.kz tilshisi.

«Ábilázovtiń qaıda ekenin anyqtaý jumystary júrgizilip jatyr. Ázirge bári «tergeý qupıasy» bolyp tabylady», - dedi ol. Esterińizge sala keteıik, Muhtar Ábilázovtiń áıeli Alma Shalabaeva men qyzy Alýa Ábilázova Rım qalasy mańynda turyp jatqan jerinen 1 maýsymda Qazaqstanǵa deportasıalanǵan edi. 3 maýsymda bas prokýratýra Alma Shalabaevadan Almaty qalasynan eshqaıda ketpeý týraly qolhat alynǵanyn habarlaǵan. Al maýsymnyń 4-i kúni Atyraýda arasynda kóshi-qon polısıasynyń qyzmetkerleri bar bir top adam Ábilázovtiń týystaryna jalǵan qujat jasaý isine qatysty sottaldy. «BTA bank» dırektorlar keńesiniń tóraǵasy bolǵan Muhtar Ábilázov 2009 jyly bank memleket menshigine ótken soń shetelge shyǵyp ketip, Londonǵa qonys tepken. Keıinirek Ulybrıtanıa oǵan saıası baspana berdi. Qazaqstan úkimeti Ábilázovty 5 mıllıardqa jýyq AQSH dollaryn jymqyrdy dep aıyptap, ulybrıtanıalyq sotqa júgingen.