Oralda er adam óz áıelin tutqynǵa aldy, – dep habarlaıdy Qamshy.kz aqparat agenttigi,  óńirlik polısıa departamentiniń baspasóz qyzmetine silteme jasap.

Polısıanyń málimdeýinshe, búgin saǵat 13:10-da 102 nómirine er adamnyń notarıýs keńsesinde esikti jaýyp, áıelin ustap otyrǵany týraly habar túsken. Er adamnyń qolynda pyshaq pen granataǵa uqsas zat bolǵan.

Oqıǵa ornyna barlyq jedel qyzmetter der kezinde jetti.

Qylmysqa baılanysty besqabatty turǵyn úıdiń barlyq turǵyny evakýasıalanyp, úıdiń aýmaǵy qorshaýǵa alyndy.

Polısıa qyzmetkerleri er adammen kelissóz júrgizýge tyrysyp baǵýda.

Oqıǵa ornynda Batys Qazaqstan oblystyq polısıa departamenti bastyǵynyń mindetin atqarýshy Serik Súıinbaev júr.

Qazirgi tańda er adamnyń kim ekeni anyqtaldy. Polısıanyń deregine súıensek, erli-zaıyptylardyń ajyrasyp jatqany belgili boldy.