Bul týraly óńirlik komýnıkasıalar qyzmeti alańynda bolǵan brıfıńte Beıneý aýdanynyń ákimi Beıneýbek Ábilov málim etti.

- «Ekonomıkalyq belsendi turǵyndar sany 27882 adam, aýdan halqynyń 26687-i jumyspen qamtylǵan, 1195-i jumyssyz. Jyl basynan beri  aýdanǵa  299 adamy  bar  63  otbasy  kóship  keldi. Olardyń 34-i turaqty jumysqa ornalastyrylyp, 27-i  aqyly qoǵamdyq jumysqa tartyldy», - dedi aýdan ákimi.

Barlyq kózderdi qosa eseptegende áleýmettik qorǵaý isine 4,9 mlrd. teńge jumsalǵan. Bul ótken jylmen salystyrǵanda  812 mln. teńgege nemese 24,7% kóp. Bul qarjynyń 4,5 mlrd. teńgesi respýblıkalyq búdjet esebinen,  402 mln. teńgesi aýdandyq búdjetten  berilgen.

- «Jańadan  2715  jumys  orny  ashyldy, onyń 69,4% nemese 1885-i turaqty jumys orny. Jumyspen  qamtý  uıymdary  arqyly  1048  adam  turaqty  jumysqa  ornalastyryldy. Áleýmettik  qoldaýdy  qajet  etetin  otbasynyń  934  balasy   tegin  tamaqtandyrylady», - dedi ákim.

Bilim berý salasyna 7,4 mlrd.teńge bólingen.  Bir oqýshyǵa shaqqanda  414 myń teńgeden. 3-6  jas  aralyǵyndaǵy  balalardy mektepaldy daıyndyqpen  qamtý  kórsetkishi  98,1%  jetken. Opornyı orta mektebinde  múmkindigi shekteýli balalarǵa quny 2 475 myń teńge quraıtyn sensorlyq kabınet jabdyqtalǵan.

ÓNDİRİS, KÁSİPKERLİK, INFRAQURYLYMDY  DAMYTÝ BOIYNSHA KÓRSETKİSHTER

         Bıylǵy jyly 390,7  myń  tonna  munaı men  910,4 mln. tekshe  metr  gaz  óndirilgen.   Ótken   jyldyń   osy   kezeńimen   salystyrǵanda  munaı 2,5  myń  tonnaǵa (99,3%),  gaz 77,2 mln. tekshe  metrge (92,1%)  kemip   otyr.

- «Astyq  termınaly  Ózbekstanǵa 272 tonna un  eksporttap,  4664  tonna  un, 2057 tonna jem óndirdi. 2019 jylǵy qańtar-qyrkúıek aıyna ónerkásip  óniminiń  kólemi 51,8 mlrd. teńgege, negizgi  kapıtalǵa  salynǵan ınvestısıa 22,9 mlrd. teńgege jetti.  Ónerkásiptik óndiristiń ındeksi 89,0% bolsa, ınvestısıa  kólemi                        100,6% qurady», - dedi aýdan ákimi B.Ábilov.

 «Shaǵyrly-SHómishti»  ken  ornynda  651,2 mln. tekshe  metr  gaz  óndirilgen.  Bul  aýdanda  óndirilgen  gazdyń  79,7  quraıdy.  Qazir  onda  247 adam  eńbek  etedi,  onyń  46,5%  nemese  115-i  aýdan  turǵyndary.  

Resmı statısıkalyq aqparatqa sáıkes 2019 jyldyń qańtar-mamyrynda shaǵyn jáne orta kásipkerlik sýbektileriniń óndirgen ónim kólemi 3769,0 mln.teńgeni (83,3%) 2019 jylǵy qańtar-qyrkúıektegi bólshek saýdanyń naqty kólem ındeksi 9873,1 mln.teńgeni qurady (105,5%).

         «Bıznestiń jol kartasy – 2020» baǵdarlamasy - jyl basynan 60,7 mln.teńge kóleminde kásipkerlerge memlekettik qoldaý kórsetildi, onyń ishinde: 49,4 mln.teńgege 2 joba sýbsıdıalandy (10 jumys orny) 11,3 mln.teńgege 2 joba kepildendirildi (11 jumys orny). Atalǵan baǵdarlama aıasynda jańa bıznes ıdeıalarǵa «IT mektep» ashýǵa  1,0 mln.teńge kóleminde memlekettik grant berildi.

«Nur Kapıtal» baǵdarlamasy - barlyǵy 11 kásipker 137,3 mln. teńge kóleminde nesıe aldy. 60 jumys orny qurylady. (2018 jyly 5 nesıe, 73,0 mln.tg, 25 jumys orny. 2019 jyly 6 nesıe, 64,3 mln.tg, 35 jumys orny).

Shaǵyn nesıelendirý boıynsha barlyǵy 74 nesıe, 343,1 mln.teńge, 82 jańa jumys orny  ashylǵan. Nurly jol» baǵdarlamasy aıasynda qurylysy júrip jatqan,  quny 19,8 mlrd. teńge bolatyn «Beıneý-Aqjigit-Ózbekstan Respýblıkasy shekarasy» avtomobıl jolynyń 80 km asfálttanyp, qurylysqa 353 tehnıka men 659 adam jumyldyryldy.  Jergilikti búdjet esebinen Beıneý aýylynda 10 kóshege 441,9 mln teńgege aýylishilik gaz qubyryn  tartý jumystary bastaldy.