Ótken jyly Ulan aýdanyndaǵy týrızm keshenderine 32,0 myń adam kelip, demalyp qaıtty. Odan 192,5 mln. teńge kóleminde tabys tústi. Al osy kórsetkish bıyl 30 paıyzǵa artty. Bul týraly aımaqtyq komýnıkasıalar qyzmetinde ótken brıfıń barysynda aýdan ákimi Nurymbet Saqtaǵanov málim etti.

Aýdanda 18 týrısik nysan jumys isteıdi. Búginde aýdanda jańa demalys bazalary salynýda. Máselen, Sibe kólderi toptamasynyń 4-shi kóli – Qorjynkólde «Jibek joly» meıramhana-kesheniniń qurylysy júrgizilýde. Jobanyń jalpy quny 2,0 mlrd. teńge, onyń 200,0 mln. teńgesi ıgerildi. Búgingi kúni 50 oryndyq qonaq úı, 90 oryndyq asqana, jazdyq jáne qystyq úlgidegi kúrkeler, sýdaǵy demalys kúrkeleri, eki taýdyń ortasyna arqanjol ornatyldy. Sonymen qatar 120 oryndyq kafe qurylysy júrgizilýde.

– «Eldos» sharýa qojalyǵynyń bastamasymen «Ablaketka» sý qoımasynda sporttyq-áýesqoılyq balyq aýlaý klýby ashylady. Sondaı-aq, Sadyrkólde 100 oryndyq demalys orny salynady josparlanýda. Bul jobanyń jalpy quny 40,0 mln. teńgeni quraıdy, – dedi Nurymbet Saqtaǵanov.

Infraqurylymǵa kelsek. Aldaǵy ýaqytta Shybyndykól men Dýlyǵaly kólderine baratyn joldarǵa jóndeý jumystary júrgiziledi. Osy maqsatta oblystyq búdjetten qarajat qarastyrylǵan. Budan bólek Aıýdyǵa Manat arqyly baratyn jol jóndeledi.