Ulan aýdanyndaǵy Gerasımovka jáne Tarǵyn aýyldarynyń turǵyndary 2020 jyly sapaly aýyz sýmen qamtylady. Bul týraly aımaqtyq komýnıkasıalar qyzmetinde ótken brıfıń barysynda aýdan ákimi Nurymbet Saqtaǵanov málim etti.

Saǵyr, Ýkraınka, Novo-Odesskoe aýyldaryna ortalyqtandyrylǵan sý qubyryn tartý jobasynyń qujattary memlekettik saraptamadan ótýde. Al bıyl Proletarka, Joǵarǵy Taıynty, Baıash Ótepov, İzǵutty Aıtyqov aýyldaryna sý qubyrlaryn tartý maqsatynda jobalyq-smetalyq qujattar ázirlenýde. Brıfıńke qatysqan aýdan ákimi osylaı dedi.

– Oblys ákimi Danıal Ahmetovtiń sheshimimen adam sany az 10 aýylda blokty-modýldi stansıalar ornatylady. Basty maqsat – turǵyndardyń ál-aýqatyn jaqsartý, – dedi Nurymbet Saqtaǵanov.