Dımash Qudaıbergenniń Nú-Iorktegi Barslays center ortalyǵynda ótken konsertinde ıne shanshar oryn bolmady. Konsertke álemniń túpkir-túpkirinen jankúıerler keldi, dep jazady Qamshy.kz aqparat agenttigi dimashnews.com saıtyna silteme jasap.

Úlken shoý kórsetilgen ártistiń ár nomerin tyńdarmandar erekshe qoshemetpen qarsy aldy. Kesh barysynda birneshe tilde án shyrqaǵan ánshi ár týyndyǵa ulttyq boıaý qosyp otyrdy. Zalǵa jınalǵandar ásirese qazaqsha týyndylardy erekshe jylylyqpen qabyldap, keıbirin qosylyp shyrqady.

"Daıdıdaý" áni aıtylǵanda jankúıerler oryndarynan turyp, qosyla shyrqap, kózine jas alǵandar da boldy.

«Adaı» kúıi shertilip, «Elim meniń» áni oryndalǵandaǵy zaldaǵy atmosferany sózben jetkizý qıyn. Kóriniske jelbiregen  kók tý tústes jalaý men qazaq dalasynyń kórinisteri erekshe ár berdi. Buny kórgen Amerıkada turyp jatqan qazaqtar otanyna degen saǵynyshtan kóz jasyna erik berdi.

Osylaısha Dımashtyń daýsy amerıkalyqtardy tánti etip, ushan-teńiz energetıka syılady.