Respýblıka alańynda Oyan, Qazaqstan uıymy mıtıń ótkizdi.

Alańǵa jınalǵandar umytylmas «1986, 2011», «Umytylmas, qaıtalanbas, keshirilmes», «Parlamenttik respýblıka», «Jastarǵa oryn berińder», «Nan ursyn, biz ekstremıst emespiz», «Avtorıtarızmnen kóktemge qaraı» degen urandar jazylǵan plakattarmen shyqty.

Belsendiler bıliktiń Jańaózen oqıǵasynda azamattardy atqanyn, Qazaqstanda birde-bir ádil saılaýdyń ótpegenin, Nazarbaev rejıminiń avtorıtarlyq ekenin aıtty.

Alańǵa shyqqandardyń deni jastar. Olar 30 jyldyq avtorıtarlyq rejımnen sharshaǵanyn, rejımdi ózgertkileri keletin málim etti.

Belsendilerge Almaty ákimdiginiń ókilderi taraýyn aıtqanda jınalǵandar «Oıan, Qazaqstan» dep aıqaılap, ákimdik ókiliniń daýsyn estirtpedi. Biraq kóp uzamaı aksıalaryn toqtatty.