Atalǵan sózdi QDP bastamashysy «Demokratıaly Qazaqstan» You Tube kanalynda málimdedi dep habarlaıdy «Qamshy.kz» aqparat agentigi.  

«Bul kúni prezıdentten bastap qarapaıym memlekettik qyzmetkerge deıin ózderiniń qalalaryndaǵy alańǵa baryp, Jeltoqsan men Jańaózen qurbandaryn eske alýy tıis dep oılaımyn», – deıdi Janbolat Mamaı.  

Aıta keteıik, 14 jeltoqsan Janbolat Mamaı bastaǵan Demokratıalyq partıasy uıymdastyrý komıtetiniń bastamasymen belsendiler Almatyda Jeltoqsan jáne Jańaózen oqıǵalarynyń qurbandaryn eske alǵan bolatyn. Sátbaev pen Baıtursynuly kósheleriniń qıylysyndaǵy «Astana» qonaq úıinde ótken jıynǵa saıasatkerler men Qabdesh Jumadilov, Sofy Smataev bastaǵan zıaly qaýym ókilderi, sonymen qatar eldiń ár aımaǵynan kelgen belsendiler qatysty.