Qazaqstan prezıdenti Qasym-Jomart Toqaevtyń jarlyǵymen Mahambet Dosmuhambetov Atyraý oblysynyń ákimi bolyp taǵaıyndaldy. Toqaevtyń jarlyǵy búgin, 18 jeltoqsanda Aqorda saıtynda jarıalandy. 

Buǵan deıin Atyraý oblysy ákimi mindetin atqarǵan Nurlan Noǵaev energetıka mınıstri bolyp taǵaıyndaldy. 

59 jastaǵy Mahambet Dosmuhambetov buǵan deıin energetıka mınıstriniń orynbasary qyzmetin atqaryp kelgen. Ol - Atyraý oblysynyń týmasy. 

Búgin, 18 jeltoqsanda prezıdent Qasym-Jomart Toqaev bılikte birqatar kadrlyq ózgerister jasaǵan edi. Toqaevtyń jarlyǵymen Qanat Bozymbaev energetıka mınıstri qyzmetinen bosatylyp, prezıdent kómekshisi bolyp taǵaıyndaldy. Al shilde aıynan beri prezıdent kómekshisi mindetin atqarǵan Máýlen Áshimbaev Darhan Káletaevtyń ornyna prezıdent ákimshiligi jetekshisiniń birinshi orynbasary bolyp taǵaıyndaldy. Káletaevtyń qandaı qyzmetke taǵaıyndalǵany ázirge belgisiz. Sonymen qatar, Mádına Ábilqasymova ulttyq bank tóraǵasynyń orynbasary qyzmetinen bosap, jaǵadan qurylǵan qarjy naryǵyn retteý jáne damytý agenttiginiń tóraıymy bolyp taǵaıyndaldy. Ol naýryz aıynan beri ulttyq bank tóraǵasynyń orynbasary bolǵan. Buǵan qosa, búgin Toqaev 2017 jyldan beri Qazaqstannyń Reseıdegi elshiligin basqaryp kele jatqan Imanǵalı Tasmaǵambetov zeınet jasyna tolýyna baılanysty qyzmetinen bosatty.